АБНА24 Хәбәр Верир, шәнбә ҝүнү Парисдә “Глобал тәһлүкәсизлик һаггында” Ганун лајиһәсинин 24-ҹү маддәсинин гәбул едилмәсинә гаршы кечирилән етираз аксијаларында 130 миндән чох етиразчы иштирак едиб. Полис вә жандармларын фото вә видеочәкилишләринин апарылмасынын гадаған едилмәси илә бағлы олан 24-ҹү маддәнин гәбул едилмәсинә гаршы чыхан етиразчылар буну КИВ-ин азадлығынын мәһдудлашыдырылмасы кими гијмәтләндирирләр. Нүмајишин башламасындан гыса мүддәт сонра иғтишашлар баш вериб. Полис гүввәләри етиразчылара гаршы ҝөзјашардыҹы газдан истифадә едиб. Етираз аксијалары заманы полис 100 нәфәри сахлајыб. Нүмајишчиләр арасында мүхалифәт партијалары вә һәмкарлар иттифагларынын тәмсилчиләри, о ҹүмләдән “Јенилмәз Франса” солчу һәрәкатынын рәһбәри, парламентин депутаты Жан-Лјук Меланшон, Франса Сосиалист Партијасынын биринҹи катиби Оливје Фор да олуб. Билдирилир ки, “Глобал тәһлүкәсизлик һаггында” Ганунун һүгуг-мүһафизә органларынын әмәкдашларынын фото вә видеочәкилишләри илә бағлы олан 24-ҹү маддәси журналистләрин, сијасәтчиләрин вә иҹтимаијјәтин тәнгидинә сәбәб олуб. Бу бәндә әсасән, “милли полис, жандарма вә ја бәләдијјә полисинә физики вә ја психоложи характерли зәрәр вурулмасы мәгсәдилә үзүнүн тәсвиринин вә ја танынмасы үчүн диҝәр елементинин јајылмасы”на ҝөрә бир ил һәбс ҹәзасы вә 45 000 авро ҹәримә нәзәрдә тутулур. 18 нојабрда парламентин ашағы палатасында лајиһәнин бахылмасына башланылыб. Мүзакирәләр башладыгдан дәрһал сонра илк етиразлар баш галдырыб. Франсанын дахили ишләр назири Жералд Дарманен нүмајишләрдә 37 полисин јараланмасыны билдирәрәк, һүгуг-мүһафизә органларынын әмәкдашларына гаршы зоракы һәрәкәтләри писләјиб.
342/
