АБНА24 Хәбәр Верир, Иран Ислам Республикасы мүдафиә назиринин мәдәни вә иҹтимаи әлагәләр үзрә мүавини билдириб ки, Иранын мүдафиә вә нүвә алими шәһид доктор Моһсен Фәхризадәнин ҹәназәсинин мүшајиәт вә дәфн мәрасими базар ертәси ҝүнү кечириләҹәк. Икинҹи дәрәҹәли бригада ҝенералы Давоод Әбди бу барәдә белә дејиб: Јүксәк дәрәҹәли шәһид Фәхризадәнин аным гәрарҝаһынын гәрарына әсасән, бу әзиз шәһидин пак ҹәназәси дүнја шиәләринин сәккизинҹи имамы Һәзрәт Самин әл-Һуҹәҹ Әли ибн Муса әл-Риза(ә)-ын шәриф вә нурлу зијарәтҝаһында тәваф етдирмәк үчүн мүгәддәс Мәшһәд шәһәринә көчүрүләҹәк, сонра исә Һәзрәт Имам Рза(ә)-ын әзиз баҹысы Һәзрәт Фатимеји-Мәсумә(с.ә)-нын Гум шәһәриндәки пак һәрәминә ҝөндәриләҹәк вә тәваф едиләҹәкдир. Ҝенерал Әбди сонра билдириб: Мүдафиә сәнајесинин бу иддиасыз вә мөмин шәһидинин пак ҹәназәси өз имамы илә сон ҝөрүш үчүн Иран Ислам Республикасынын даһи баниси Имам Хомејни(р.ә)-ин пак һәрәминә апарылаҹаг. Ҝенерал Әбди Ислами Иранын гејрәтли вә гәдирбилән халгынын пак вә шөвглү емосијаларыны јүксәк дәјәрләндирәрәк, сөјләјиб: Инсан издиһамынын гаршысыны алмаг вә коронавирус пандемијасынын сәһијјә протоколларына риајәт ваҹиблији мәгсәдилә шәһид доктор Фәхризадәнин ҹәназәсинин мүшајиәт вә дәфн мәрасими Иран Ислам Республикасы Силаһлы Гүввәләринин јүксәк рүтбәли команданларынын вә бу шәһидин мөһтәрәм аиләсинин иштиракы илә кечириләҹәк. Иран Ислам Республикасы мүдафиә назиринин мәдәни вә иҹтимаи әлагәләр үзрә мүавини сонда вурғулајыб: Шүбһәсиз, илаһи гүдрәтин әли вә бөјүк Иран халгынын өвладларынын полад ирадәси мүнасиб бир заманда бу хәбисҹәсинә террор һәрәкәтинин ҹинајәткарларынын ҹавабыны верәҹәкдир.
342/
