АБНА24 Хәбәр Верир, Ағ Ев рәһбәри бу барәдә сосиал шәбәкәдә билдириб. "Крис Кребс Кибертәһлүкәсизлик вә Инфраструктур үзрә аҝентлијин башчысы вәзифәсиндән чыхарылыб", - Трамп "Тwиттер"дәки һесабында јазыб. О, Кребсин бир мүддәт өнҹә 2020-ҹи ил сечкисинин там тәһлүкәсиз олмасы барәдә сөзләринин “чох гејри-дәгиг” олдуғуну билдириб. Трамп Кребси сечкидә баш верән чохсајлы позунтулары ҝөрмәмәси уҹбатындан вәзифәсиндән азад етдијини билдириб. Гејд едәк ки, Кребс нојабрин 17-дә “Тwиттер” һесабында белә бир мәлумат пајлашмышды: “Сечки системләринин манипулјасијасы барәдә еһтимал едилән иддиалара мүнасибәтдә тәһлүкәсизлик үзрә 59 експертин һамысы разыдыр ки, бизә мәлум олан бүтүн һалларда бу иддиалар әсассыздыр”. Бундан башга, Инфраструктурун Кибертәһлүкәсизлији вә Горунмасы Аҝентлијинин өтән һәфтә дәрҹ етдији бәјанатында дејилир ки, “нојабрын 3-дә кечирилән сечкиләр Америка тарихиндә ән әдаләтли сечкиләрдир”. Кребс 2018-ҹи илдән бу вәзифәни тутур.
342/
