АБНА24 Хәбәр Верир, Британијанын пајтахты Лондон шәһәринин полис рәиси Кресида Дик "ЛБҸ" радио каналына вердији мүсаһибәдә бу өлкә полисинин иргчи давранышларына етираф едәрәк, ону арадан галдырмаг үчүн чалышдығыны иддиа едиб. Дик Британијада иргчилијә гаршы мүмкүн олан һәр ҹүр мүбаризә үчүн сәјләрин ҝөстәрилдијини иддиа едиб вә етник азлыгларын полисә инамыны итирдијини сөјләјиб. Лондон полис рәиси бу мәсәләдән тәәссүфләндијини билдирәрәк, јахын ики ил әрзиндә полис гүввәсинин 40 фаизини рәнҝли дәрилиләр вә Асија азлыгларындан сечәҹәјини вәд едиб. Дик бу сөзләри Лондонун мери Садиг Ханын полисин етник азлыглара гаршы иргчи давранышы һагда арашдырмаја чағырмасындан сонра ирәли сүрүб. АБШ-да ҹари илин 25 мај тарихиндә афро-американ Ҹорҹ Флојдун ағдәрили бир полис тәрәфиндән иргчи гәтлинә гаршы АБШ халгынын ҝениш етиразларындан сонра, Инҝилис полисинин ајры-сечкилик давранышына даир иттиһамлар вә тәнгидләр артыбдыр. Рәсми статистиклар ҝөстәрир ки, Британијада етник азлыглар ағдәрилиләрдән даһа чох полис әмәлијјатларынын һәдәфинә чеврилирләр.
342/
