АБНА24 Хәбәр Верир, Азәрбајҹан ХИН-дән верилән мәлумата ҝорә, Нојабрын 10-да Русија Федерасијасынын Хариҹи Ишләр назири Серҝеј Лавров вә Азәрбајҹан Хариҹи Ишләр назири Ҹејһун Бајрамов арасында телефон данышығы баш тутуб. Ҹејһун Бајрамов Русија Федерасијасынын тәшәббүсү илә 10 нојабр 2020-ҹи илдә имзаланмыш үчтәрәфли бәјанатын әһәмијјәтини вурғулајыб вә бу сәнәдин узун илләрдир ки, давам едән мүнагишәнин һәллиндә јени мәрһәләни башлатдығыны гејд едиб. Назир Ҹејһун Бајрамов бөлҝәдә сүлһүн тәмин олунмасы үчүн давамлы сәјләринә ҝөрә Русија тәрәфинә тәшәккүрүнү билдириб. Русија Хариҹи Ишләр назири Серҝеј Лавров өз нөвбәсиндә мүнагишәнин һәлли истигамәтиндә мүһүм аддым олан бу бәјанатын имзаланмасы илә әлагәдар мәмнунлуғуну ифадә едиб. О, тәрәфләрин бу гәрарынын бөлҝәдә дајанаглы сүлһүн тәмин олунмасы бахымындан јүксәк әһәмијјәт кәсб етдијини билдириб.
342/
