АБНА24 Хәбәр Верир, Хатәмүл-Әнбија (с) Һава Һүҹумундан Мүдафиә Гәрарҝаһынын командир әвәзи бригада ҝенералы Әмир Гадир Рәһимзадә Парс Абад шәһәринин сәрһәд бөлҝәләриндән бахыш кечирәркән, дејиб: "Һазырда Әрдәбил вилајәтинин сәрһәд золағында, хүсусилә дә Парс Абад вә Асландуз шәһәрләриндә Иран Ислам Республикасы Ордусу вә Ислам Ингилабы Кешикчиләри Корпусу СЕПАҺ-ын Һава Һүҹумундан Мүдафиә бөлмәләри тәҹһизатларынын јерләшдирилмәси илә Иран Ислам Республикасы Силаһлы Гүввәләри там һазыр вәзијјәтдәдир. "Ислами Иранын сәрһәд бөлҝәләриндә, хүсусилә Әрдәбил вилајәтинин шималында давамлы тәһлүкәсизлик вә сакитлијин тәмин едилмәси үчүн Гарабағ реҝионунун һәрби просесләри 24 саат изләнилир", - дејә о, әлавә едиб. Хатәмүл-Әнбија (с) Һава Һүҹумундан Мүдафиә Гәрарҝаһынын командир әвәзи гејд едиб ки, мүбаһисәли Гарабағда дөјүш тәрәфләринә Иран Ислам Республикасынын һава мәканына координасыја олмадан һәр һансы бир учан објектин ҝирәҹәји тәгдирдә, Иранын гәтијјәтли ҹавабы илә үзләшәҹәкләри барәдә ҹидди хәбәрдарлыг едилиб.
342/
