АБНА24 Хәбәр Верир, Канада мүсәлманлары "Мүсәлманлара гаршы терроризми дајандырын", "Биз пејғәмбәрләрин һамысыны севирик" кими шүарлар сәсләндирәрәк, Франса рәсмиләри вә медиаларынын Ислам дини вә әзиз Ислам пејғәмбәринә (с.ә.с) гаршы һөрмәтсизлијини гынајыблар. Канада мүсәлманлары, һәмчинин о бөлҝә инсанларына чичәк будаглары вә Гурани Кәримин нүсхәләрини вә Исламла әлагәли бир сыра нәшрләри һәдијјә едибләр. Сон ҝүнләрдә Франсанын "Шарли Ебдо" нәшри Ислам пејғәмбәри һаггында һөрмәтсиз карикатуралар нәшр едиб. Франса президенти Еммануел Макрон исә дипломатија нормалары вә демократија принсипләринә зидд олан бир ачыгламада өлкәсинин Ислам пејғәмбәринә гаршы һөрмәтсиз тәсвирләри јајмагда давам едәҹәјини сөјләјиб. Макронун бу исламофоб ачыгламалары бүтүн дүнјада ислами ҹәмијјәтләрдәки шәхсијјәтләр, мүсәлман халглар вә рәсмиләрин ҝениш вә кәскин етиразы илә үзләшиб. Индијә гәдәр бир чох Ислам өлкәсиндә Франсанын бајраглары вә Макронун шәкилләри јандырылыб вә ја онун сәфирлији гаршысында аксијалар кечириләрәк, мүсәлманлар Франса рәсмиләринин мүсәлманлардан рәсми шәкилдә үзр истәмәсини тәләб едибләр.
342/
