Әһли Бејт - АБНА – Хәбәр Аҝентлијинин вердији хәбәрә әсасән, Азәрбајҹан президентинин тәгдиматы илә Инзибати Хәталар Мәҹәлләсинә јени “516.0.3 маддәси” тәклиф олунур.
Јени “маддәјә” ҝөрә, ибадәтҝаһлардан кәнарда, иҹтимаи јерләрдә дини шүарларын вә диҝәр дини атрибутларын (шәхсин үстүндә ҝәздирдији дини атрибутлар истисна олмагла) нүмајиш етдирилмәси, дини бајрагларын ибадәтҝаһларын, дини мәркәз вә идарәләрин гапалы јерләриндән кәнар јерләшдирилмәси гадаған олунур. Бу гадағалар позулдуғу тәгдирдә, вәтәндашлар 2 000 манатдан 2 500 маната гәдәр, вәзифәли шәхсләр 8 000 манатдан 9 000 маната гәдәр, һүгуги шәхсләр исә 20 000 манатдан 25 000 маната гәдәр ҹәримә олунаҹаг. Әҹнәбиләр вә вәтәндашлығы олмајан шәхсләр 2 000 манатдан 2 500 манат ҹәримә едилмәклә, Азәрбајҹан әразисиндән инзибати гајдада чыхарылаҹаглар.
Лајиһә Милли Мәҹлисә тәгдим олунуб вә парламентин нөвбәти иҹласында мүзакирәјә чыхарылаҹаг.
Гејд: Рәсми статистикаја әсасән Азәрбајҹан әһалисинин 98% Мүсәлмандыр. Азәрбајҹан мүсәлманларынын 90%-и Әһли Бејт (әлејһимус сәлам) Мәктәбинин давамчылары олан 12 Имам Шиәсидир. Шиәләрлә јанашы Азәрбајҹан Республикасында Сүнни тәригәтинин давамчылары вә хејли аз мигдарда христиан вә јәһудиләр дә јашајырлар. Јеҝанә Дин олараг өз мәзһәби шүарларыны вә диҝәр дини атрибутларыны ибадәтҝаһлардан кәнарда, иҹтимаи јерләрдә нүмајиш етдирән, дини бајраглары ибадәтҝаһларын, дини мәркәз вә идарәләрин гапалы јерләриндән кәнарда јерләшдирән мәһз 12 Имам Шиәләридир. Белә ки, бу өзүнү 1400 илдир ки, Мәһәррәм вә Сәфәр ајларында даһа да, шиддәтлә бүрузә верир. Елә бу сәбәбдән дә, әлијевләр режиминин Мүһәррәм габағы белә бир “тәклиф” ирәли сүрмәси мәһз Әһли Бејт (әлејһимус сәлам) Мәктәбинә вә Шиәләрә гаршы мәншәји ҹәһаләт вә ја дүшмәнчилик олан гысганҹлыгдан ирәли ҝәлир...
Руһани Тоһид Ибраһимбәјли дә, бу анормал “тәклифә” өз рәјини билдирәрәк бүтүн Азәрбајҹан руһани вә диндарлара мүраҹиәт едәрәк, гејд олунан лајиһәјә етираз етмәләрини вә Имам Һүсејн (әлејһи сәлам) Бајрағыны даһа да Уҹа тутмаға сәсләјиб...
Руһани Тоһид Ләнкәранинин шәхси фејсбук статусунда јаздығы сөзләри тәгдим едирик:
Бир Азәрбајҹанлы руһани кими јалварырам.
Һамы јатыб дүшмән ојаг?!
Дүшмән нијә ојаг?
Ајәзиздостлар, ајәзизРуһанигардашларым.
Валлаһ әҝәр инди етираз етмәсәк вар јохумуз, динимиз, мәктәбимиз әлдән ҝедәҹәк.
Биз дин хадимијик. Јәни динә вә мәктәбимизә зәрбә ҝәлән заман биз синәләримизи сипәр етмәлијик.
Бу ҝүнә гәдәр нә олубса олуб.
Артыг быҹаг сүмүјә дирәниб. Һәр ҝүн јени лајиһә, јени ганун. Бүтүн бу ганунларда ҝәлир Имам Һүсејн мәктәбинин вә онун уҹалан бајрагларынын башында сыныр.
Ај әзиз руһаниләр бөјүк тәһлүкә илә үзләшмишик. Миндијимиз ниҹат ҝәмисини деширләр. Бу ҝәми бастса бахмајаҹаг ки, ким һансы сијаси бахыша маликдир, ким һара руһанисидир, ким вилајәтчидир. Һамымыз боғулаҹағыг.
Артыг һәр шејә гадаға гојулур. Шиәлик вә Имам Һүсејн (әлејһи сәлам) әзадарлығы һәдәфә алыныб.
Ахы нијә динмәјәк.
Јүзләрлә ҹаван Сүријада, Ирагда Имамларымызын һәрәмләринин кәрпиҹләрини горумаг үғрунда гана бојаныллар, әсир дүшүрләр, доғраныллар.
Азәрбајҹанда Һүсејн әлејһиссәламын мәктәби вә бајраглары һәдәфә алыныб.
Ај милләт, ај Һүсејнчиләр, ај дин хадимләри, Гејрәтли кишиләр, ај зејнәбчи баҹылар, ај һаҹа ҝедәнләр, ај кәрбәлаја ҝедәнләр.
Бәс Һәзрәти Зәһранын ҹавабыны неҹә веҹәјик? Шәһидләрин ҹавабыны нә верәҹәјик? Бәс ҝәләҹәк нәслимизин ҹавабыны ким верәҹәк.
Һүсејни (әлејһи сәлам) биздән алырлар.
Јалварырам, хаһиш едирәм. Ајагларыза дүшүрәм. Ҝәлин бир олаг. Ҝәлин Имам Һүсејнә вә бизә иззәт верән бајрагларымыза саһиб чыхаг.
Бизимбубајраглараеһтијаҹымызвар.
Ај дүнја Азәрбајҹанлылары! Ај Һүсејнчиләр!
Һәр кәс нә баҹарыр етсин. Әлиндән ҝәләни әсирҝәмәсин. Фәрди шәкилдә, ҹәм шәкилдә, неҹә олур олсун, һансы јолнан олур олсун. Ҝәлин гејрәтимизи дүшмәнләримизә ҝөрсәдәк, онларын чиркин планларыны пуч едәк.
Валлаһ Азәрбајҹанын иззәти бу бајрагларын һөрмәтинә бағлыдыр. Әҝәр мүгавимәт етсәк вә иҹазә вермәсәк ки, бу бајрагларын вә Имам Һүсејнин (әлејһи сәлам) әзасынын һөрмәти арадан ҝетдин. Онда Аллаһ бизә гејри ади бир гәләбә назил едәр.
Имам Һүсејн (әлејһи сәлам) Ағамызын әзасыны мәһдудлашдыран һәр бир ганунана вә лајиһәјә сәрт шәкилдә етираз едирик.
Һеч ким Имам Һүсејн (әлејһи сәлам) бајрагыны бизим евләримиздән вә күчәләримиздән ендирә билмәз!
Һеч ким Һүсејн Әлејһиссәламын мүһәррәм јүрүшләринә гадаға гоја билмәз.
Ҹанымызы әлимизә тутуб индијә гәдәр бу бајраглары горујуб сахламышыг , бундан сонрада горујуб сахлајаҹағыг. ИншаАллаһ
Тарихимизин бу өнәмли анларында ҝәрәк әзиз руһаниләримиз халгымызда ҝери галмасынлар.
Азәрбајҹанлы руһаниләр. Фәрг етмәз һардан вә неҹә. Гум, Нәҹәф, Мәшһәд вә јахуд дүнјанын һансы бир өлкәсиндә ки, јашајырларса бу мәсәлдә өз бәсирәтләрини нүмајиш етсинләр.
Бу лајиһә илә разылашанлар Азәрбајҹанын тарихиндә Зилләтә баш әјән, ҹылыз инсанлар кими танынаҹаглар.
Һамы билмәлидир ки, бу лајиһә илә разылашан шәхс әҝәр һәр һансы бир јердә "Зилләт биздән узагдыр" кәлмәсини ағзындан чыхартыса она мүнафиг ләгәбиндән башга бир ләгәб вермәк гејри мүмкүндүр.
Ја Һүсејн биз сәнинлә дүшмәнчилик едәнләрлә дүшмәнчилик етмәји Аллаһ гаршысында сәнә сөз вермишик. Әһдимизә садиг олдуғумузу бу лајиһәләри Азәрбајҹан һакимијјәтинә диктә едән әсил дүшмәнләрә сүбүт едәҹәјик.
"Азәрбајҹан Һүсејнчиләр јурдудур"
Руһани Тоһид Ибраһимбајли.
Диггәт: Хәбәрдән истифадә етдикдә мәнбәјә истинад лазымдыр
