Әһли Бејт - АБНА – Хәбәр Аҝентлијинин вердији хәбәрә әсасән, Иран Ислам Республикасы Хариҹи Ишләр Назирлијинин сөзчүсү Азәрбајҹан Ислам Партијасынын сәдри Һаҹы Мөвсүм Сәмәдовун аҹлыг аксијасындан нараһатлығыны билдирәрәк Азәрбајҹан һөкумәтинә төвсијә едиб ки, һәгиги мүсәлманлара дәјәр верәрәк радикал вәһһаби груплара шәраит јаратмасын.
Иран Ислам Республикасынын ХИН-ин сөзчүсү Бәһрам Гасими бүтүн өлкәләрин, о ҹүмләдән гоншу өлкәләр вә диҝәр өлкәләрин бүтүн дахили мәсәләләринин өзләринә аид олдуғуна вә Иран Ислам Республикасынын һеч бир мүдахилә етмәдијинә тохунараг бу өлкәнин һәгиги мүсәлманларына дәјәрин верилмәсини истәјиб.
Иран Ислам Республикасы Хариҹи Ишләр Назирлијинин сөзчүсү Бәһрам Гасими дејиб: Һәр бир өлкәдә мүсәлманларла әлагәдар, тәсәввүр будур ки, әҝәр мүсәлманлар һәр бир өлкәнин гануни параметрләри чәрчивәсиндә фәалијјәт ҝөстәрирләрсә, бир гајда олараг онларла сәрт давранылмамалыдыр. Чүнки белә давранышлар гејри-мүнасиб сонлугла нәтиҹәләнир. Онун нәтиҹәси радикал групларын јаранмасы вә инкишаф етмәсидир.
Иран Ислам Республикасы Хариҹи Ишләр Назирлијинин сөзчүсү шимал гоншунун рәсмиләринә дә дипломатик төвсијә едиб.
Гасими әлавә едиб: Бизим Азәрбајҹан рәсмиләри вә һәр бир башга өлкәнин рәсмиләринә төвсијәмиз будур ки, өз өлкәсинин ганунлары чәрчивәсиндә дини фәалијјәт ҝөстәрән мүсәлманлара фәалијјәт етмәк иҹазәси версинләр вә бу јолла тәкфирчи вә радикал һәрәкәтләрә мане олсунлар.
Диггәт: Хәбәрдән истифадә етдикдә мәнбәјә истинад лазымдыр
