Әһли Бејт - АБНА – Хәбәр Аҝентлијинин вердији хәбәрә әсасән, АБШ, сионист режим, Гәрб дөвләтләри вә Сәудијјә Әрәбистаны тәрәфиндән дәстәкләнән террор груплашмасынын бир нечә дөвләт бинасына һүҹумдан сонра Малинин мәркәзи һиссәсиндәки Бони шәһәринә нәзарәт террорчуларын әлинә кечиб.
"Һазырда Бони силаһлы грплашманын нәзарәти алтындадыр. Онлар шәһәрә ҝириб вә бир нечә биналара атәш ачыблар. Артыг шәһәр рајонунда орду јохдур. Биз гүввәләрә Дуенча шәһәринә чәкилмәји әмр етдик ки, јеринә јетирилди" - дејә адынын аноним галмасыны истәјән һакимијјәт нүмајәндәси билдириб.
Әһалиси бир нечә мин нәфәр тәшкил едән шәһәрин сакинләри террорчуларын һаваја атәш ачараг шәһәр полис рәисинин евини вә бәләдијјәсини јандырдыгларыны гејд едибләр.
Гејд едәк ки, Бони шәһәри апрел ајында "Ансар Дин" террор груплашмасынын үзвләри тәрәфиндән һүҹума мәруз галмышды.
Малидә БМТ ТШ-нин гәрары илә МЫНУСМА сүлһмәрамлылары вә БМТ ТШ-нин санксијалары илә Франса гошунларынын дөрд минлик континҝенти јерләшир. 2016-ҹы илин ијунунда сүлһмәрамлы миссијасынын континҝенти террорчулара гаршы динҹ сакинләрин мүдафиәси үчүн 2,5 мин һәрбчијә гәдәр артырылыб. Өлкәдә 2017-ҹи илин 29 мартына кими фөвгәладә вәзијјәт режими фәалијјәт ҝөстәрир.
Диггәт: Хәбәрдән истифадә етдикдә мәнбәјә истинад лазымдыр
