Әһли Бејт - АБНА – Хәбәр Аҝентлијинин вердији хәбәрә әсасән, “Мүсәлман Бирлији Һәрәкаты”нын сәдри, илаһијјатчы Тале Бағырзадә августун 17-дә мәһкәмәдә ифадә верәркән дејиб: “Бизи мебел машынына атандан сонра сорушдулар ки, “Талеһ кимди?” Үзүмү чевирдиләр, бу мәгамда елә бир зәрбә вурдулар ки, бурнумун скелет сүмүјү сынды. Бир дә бахдым ки, 2-3 санијәдән сонра јердә ган ҝөлмәчәси јараныб.
Үрәкләри сојумады, әлләрим архадан бағлы вәзијјәтдә јерә узатдылар. Бири ајағыны белимә гојуб, чијинләримдән тутуб архаја дартырды. Ики дәфә дартды, белими сындыра билмәди. Әсәбиләшиб, мәни үзү үстә чырпды јерә…”
“ШАЛВАРЫМЫ ЧЫХАРДЫЛАР”
О билдириб ки, өтән мәһкәмә иҹласларында ифадәсиндә бир сыра деталлара тохунмајыб:
“О гәдәр алчаг һәрәкәтләр еләјибләр ки, адам мәһкәмә залындакы ана-баҹылара ҝөрә онлары там ачыглаја билмир. Тәсәввүр един, машында мәним шалварымы да чыхартдылар. Јахшы ки, алт шалварым варды, ону да чыхармаг истәјәндә, араларындан бири гојмады. Машында мәни дөјәндә бири деди ки, “ону өлдүрмәк олмаз, сағ лазымды”. Билирдим ки, мәни өлдүрмәјәҹәкләр, амма шикәст еләмәк истәдикләрини ҝөрүрдүм.
“Бандотдел”ә чатанда һәјәтдә јердә башыма о гәдәр тәпик вурдулар ки, ган ичиндә идим. Тәпикдән ајағымын әти гопмушду. Ган лопа илә дүшүрдү. Елә вәзијјәтә дүшмүшдүм ки, өзүм дә өлмәдијимә тәәҹҹүбләндим. 2-3 ҝүндән сонра прокурорлуғун мүстәнтиги ҝәлиб мәни ҝөрәндә горхду”.
“БАНДОТДЕЛ”ДӘ ИНСАНЛЫГ ӨЛҮБ”
Нардаран һадисәләринин Милли Шура, конкрет олараг, шура сәдри Ҹәмил Һәсәнли вә АХҸП сәдри Әли Кәримли тәрәфиндән тәшкили барәдә ифадә вермәси үчүн 3 ҝүн әрзиндә дәһшәтли ишҝәнҹәләрә мәруз галмасындан данышан илаһијјатчы бүтүн бунлара ҝөрә һакимијјәти иттиһам едиб:
“Мәнә бу ифадәни алмаг үчүн үч ҝүн ағласығмаз ишҝәнҹәләр верәндә мән оруҹ тутурдум. Һәр ҝүн ҝәлиб камерадан чыхарыб, башыма торба кечириб апарырдылар, әлләрими бағлајыб јерә узадыр, күрәјимдә отуруб “дубинка” илә дөјүрдүләр. О гәдәр вурурдулар ки, ајагларым шиширди, танынмаз һала дүшүрдүм.
Бир ҝүн, һәтта нәзарәтчи камераја гајтармаға ҝәләндә мәни ҝөрүб дәһшәтә ҝәлди. Деди ки, “нә истәјирләр, де, ҹанын гуртарсын да”. Билдирдим ки, “јох, бунлар истәјир ки, биз “накиши” олдуғумузу дејәк, буна да имкан вермәк олмаз”. Һәр дәфә дөјүлмә гуртарандан сонра Аллаһа шүкр еләјирдим, бунлара гәрибә ҝәлирди. Чүнки елә әхлагсыз ишҝәнҹәләр верирдиләр ки, онларын јанында “дубинка” илә ајағын алтына вурмаг һеч нәдир”.
“КҮРӘЈИМИЗДӘ БОТИНКА ИЛӘ ҜӘЗИРДИЛӘР”
Тәгсирләндирилән Аббас Һүсејновун да ифадәсинә әлавәләр олуб. Онун әлавәләри дә әсасән, ишҝәнҹәләрлә бағлы иди:
“Јерә јыхыб күрәјимиздә “ботинка” илә елә ҝәзирдиләр ки, елә бил халча үстүндәдиләр. Өзүмү дөвләт бинасында јох, әсирликдә һисс еләјирдим. Бир ҝүн мәни дөјән Кәрим вә Бәхтијар адлы шәхсләрә дедим ки, “бунлара ҝөрә нә вахтса Аллаһа ҹаваб верәҹәксиз”. Ҹавабында онлар мәним диними тәһгир еләдиләр. Неҹә ки, 1990-ҹы илдә ермәни-рус бирләшмәләри әлијалын адамларын үстүнә силаһлы һүҹум еләдиләр, 26 нојабрда да бунлар ејни иши бизим башымыза ҝәтирдиләр”.
“ВӘСИЈЈӘТИМИ ЕЛӘДИМ”
Тәгсирләндирилән Агил Исмајылов МҸГМИ-дә (Мүтәшәккил Ҹинајәткарлыға гаршы Мүбаризә Идарәси – ред.) мәруз галдығы ишҝәнҹәләр нәтиҹәсиндә ҝөрмә габилијјәтини итирдијини, бурун наһијәсинә зәрбәдән инди дә чәтинликлә нәфәс алдығыны билдириб:
“Елә ишҝәнҹә верирдиләр ки, санки бу дөвләт бизим гејрәтимизи әлимиздән алмаг истәјир. Ишҝәнҹәләрин бир һиссәси шәхсијјәтимизин алчалдылмасына јөнәлмиш һәрәкәтләр иди. Елә һәрәкәтләр еләјирдиләр ки, дејирдим, “чыхарын силаһы вурун мәни, сизин дә ҹаныныз гуртарсын, мәним дә”. Елә һәддә чатдым ки, камерада Раминә (тәгсирләндирилән Рамин Јәһјајеви нәзәрдә тутур) вәсијјәтими еләдим, өзүмү өлдүрмәк истәјирдим. Сон анда Аллаһдан горхдум, интиһар едә билмәдим”.
“БИЗДӘ СИЛАҺ ОЛМАЈЫБ”
Мәһкәмә иҹласында һәмчинин тәгсирләндирилән Ҹаббар Ҹаббаров ифадә вериб. О да инсан ләјагәтини алчалдан ишҝәнҹәләр алтында јалан ифадәләрә имза атдығыны билдириб.
Бунларын өлкәдә горхдуғу адам јохдур. Дедим ки, Меһрибан ханыма шикајәт едәҹәм, башладылар сөјүш сөјмәјә. Бу барәдә Күрдәханыдан президентә мәктуб јаздым ки, гој онун, ханымынын ады чәкиләндә дејиләнләри билсин. Мәктубуму ҝөндәрмәдиләр.
Бизә елә ишҝәнҹәләр верирдиләр ки, мәҹбурам, үстүөртүлү дә олса, дејим. Тәсәввүр един, әлләримиз бағлы вәзијјәтдә јерә узадыб, ҹинсијјәт органымызын үстүнә чыхыб тәпикләјирдиләр. Бу ҹүр әхлагсыз јолларла биздән ифадә алмаға чалышырдылар. О ифадәләри өзләринин чиркин әмәлләрини өрт-басдыр еләмәк үчүн алмаға чалышырдылар. Полисләр Вүгар вә Исмајылын ганына батан әлләрини бу јолла јумаг истәјирдиләр. Ифадәләрдә бојнумуза гојдуглары силаһлар да бу мәгсәдә хидмәт едир.
Хүсусән, о һадисәдә дүнјасыны дәјишән полисләрин аиләләринә демәк истәјирәм ки, онлары елә өзләри өлдүрүбләр. Биздә силаһ олмајыб. Онлар габагҹадан һазырланмыш чиркин әмәлијјатла ҝәлмишдиләр ки, өз әмәкдашларыны өлдүрүб, бизим бојнумуза силаһ гојуб, сонра да террорчу кими тәгдим еләсинләр”, – Ҹаббар Ҹаббаров ифадәсиндә дејиб.
МЕЈИТИ ҺАРАСА АПАРДЫЛАР
Онун сөзләринә ҝөрә, Фәраһим Бүнјадову мебел машынында апараркән автоматын гундағы илә ҝиҹҝаһ наһијәсиндән вура-вура өлдүрүбләр, амма иш материалларында јазыблар ки, о, полисләрә силаһлы мүгавимәт ҝөстәрдијинә ҝөрә, ону ики ҝүллә илә вурублар:
“Бизи апаранда һәјәтдән рәһмәтә ҝедәнләрдән Рәфаел, вә Әкбәрин дә мејити машында иди. Нә гәдәр амансыздылар ки, мејитләрин үстүнә чыхыб тәпикләјирдиләр.
Мән Хоҹалы фаҹиәсиндә ешитмишдим ки, ермәниләр мејитләрин үзәриндә зоракылыг едибләр. Јолда Рәфаел вә Әкбәрин мејитини хәстәханаја морга тәһвил вердиләр. Амма Фәраһимин мејитини вермәдиләр. Бизи “бандотдел”ин һәјәтиндә дүшүрәндә мејит машында галды. Јәгин апардылар мејитә ики ҝүллә вурсунлар ки, јаздыглары дүз ҝәлсин. Бунлар өлүләри дә шәрләјирләр.
Јазыблар ки, ҝуја, Сарванын атдығы гумбарадан ики полис өлүб. Јаланды. Әҝәр белә идисә, нијә Сарваны јаралы вәзијјәтдә һәјәтдә гојуб ҝетдиләр? Сарваны әмәлијјатдан сонра Фәрһад (Бабајев) апарыб хәстәханаја, о, јолда ганитирмәдән өлүб. Амма јазыблар ки, ҝуја, мејити һал шаһидләринин иштиракы илә өзләри һәјәтдән ҝөтүрүбләр. Бу гәдәр јалан олар?”
Ҹ.Ҹаббаровун ифадәсилә тәгсирләндирилән шәхсләрин диндирилмәси баша чатыб. Мәһкәмә августун 18-дә иш үзрә зәрәрчәкмиш гисминдә танынан полисләрин ифадәләрилә давам едәҹәк.
Нардаран һадисәләринә ҝөрә иттиһам едилән шәхсләрин үзләшдикләри ишҝәнҹәләр вә гејри-инсани давраныш, еләҹә дә полис әмәкдашларынын өлүмү илә бағлы сәсләндирдикләри иддиалара просесдә иштирак едән прокурорлуғун нүмајәндәләри вә һакимләр мүдахилә етмирләр.
Хатырладаг ки, «Мүсәлман Бирлији» Һәрәкатынын рәһбәри Т. Бағырзадә өтән ил нојабрын 26-да Нардаран гәсәбәсиндә һәјата кечирилән вә бирбаша Илһам Әлијевин башчылыг етдији хүсуси әмәлијјат заманы сахланыб. О, ҸМ-ин 120 (гәсдән адам өлдүрмә) 228.3 (ганунсуз олараг одлу силаһ әлдә етмә), 228.4-ҹү (ганунсуз олараг силаһ ҝәздирмә) вә диҝәр ағыр маддәләр илә иттиһам олунур.
Нардаран һадисәләри заманы 2-си полис олмагла 7 нәфәр Шәһид олуб. Һәмин ҝүн Тале Бағырзадә вә онун 14 тәрәфдары һәбс едилиб. 27 Нојабр, 2015 тарихдә Бакы вахты илә 09:00 радәләриндә АБНА сајтына дахил олан (адынын ачыгланмасыны истәмәјән ресурсун) мәлумата ҝөрә,Вүгар Нәсибов вә Исмајыл Тағыјев һадисә јериндә систем ишчиләри тәрәфиндән өлдүрүлүбләр. Ресурсун дедијинә ҝөрә, системин белә бир аддым атмасы олајын даһа да ҝәрҝинләшиб тәбии алынмасы үчүн олуб.
“Мәһз елә буна ҝөрә дә, өлдүрдүкләри полис мејјитләринин үзәриндә һеч бир тибби експертизија апармадан, тез бир заманда онлара “шәһид” ады вериләрәк дахили ишләр назири ҝенерал-полковник Рамил Усубов, баш прокурор Закир Гаралов, милли тәһлүкәсизлик назиринин биринҹи мүавини, назир әвәзи ҝенерал-лејтенант Мәдәт Гулијев вә башга јүксәк рүтбәлил чиновникләрин иштиракы илә ЫЫ Фәхри хијабанда дәфн едибләр.”- дејә ресурс билдириб.
Сонрадан прокурорлуг билдирди ки, «Мүсәлман Бирлији» Һәрәкатына ҝөрә, үмумиликдә 70 нәфәр шәхс һәбс олунуб. Онлардан даһа јүнҝүл маддәләрлә иттиһам едиләнләрдән бир чохунун мәһкәмәси бир мүддәт өнҹә башлајыб. Бәзиләринә 1 ил 6 ајдан, 2 ил 6 аја гәдәр һәбс ҹәзасы верилиб.
Диггәт: Хәбәрдән истифадә етдикдә мәнбәјә истинад лазымдыр.
