Әһли Бејт - АБНА – Хәбәр Аҝентлијинин вердији хәбәрә әсасән, Мијанмар буддист дөвләт мәмурлары Мәнҝедо шәһәриндәки онларла Руһингалы Мүсәлман мүәллимләрә кәтби илтизам јаздырараг Гуран вә Ислам Маарифләринә даир тәблиғ вә тәдрис етмәјәҹәкләрини тәләб едибләр.
Дөвләт мәмурлары тәкидлә гејд едибләр ки, илтизамы позан мүәллимләрә азы он ил азадлыгдан мәһрум едилмә ҹәзасы вериләҹәкдир.
Мәгсәд Аракан әјаләтиндә гәдим әјјамдан јашајан лакин Мјанмар дөвләти тәрәфиндән онлара һеч бир вәтәндашлыг һүгугу верилмәјән Руһингалы Мүсәлманларын тәдриҹән ассимлијасија едиләрәк буддист олмаларыдыр.
Гејд едәк ки, 2012-ҹи илин илк ајларындан бу ҝүнә кими Мјанма Мүсәлманларына гарш олунан ҹинајәт гурбанлары һаггда әлдә дәгиг статистика мөвҹуд дејил. Лакин гејри рәсми мәлуматлара ҝөрә, 1000-дән артыг Мүсәлман дөвләт органлары вә буддистләр тәрәфиндән сојгырыма мәруз галараг күтләви бастырылыб, 300,000-дән артыг инсан исә өз јурд-јуваларындан дидәрҝин салынараг гачгын һәјаты сүрмәјә вадар олунуб вә 40 мин Мүсәлман фәалы рәсми дөвләт грумлары тәрәфиндән мүхтәлиф бәһанәләр илә, һәбс едиләрәк зинданлара салыныб...
Хатырладаг ки, Мјанмада тәгрибән 2 милјон 500 миндән артыг Мүсәлман јашајыр. Онлар әсасән өлкәнин гәрбиндә мәскунлашыблар.
Мјанманын Милли Бирлик Тәшкилатынын мәлуматына ҝөрә, тәкҹә 2012-ҹи илин мај ајында Мјанманын гәрбиндә ҝедән тоггушмаларда вә евләрин јандырылмасы нәтиҹәсиндә 100 миндән артыг Мүсәлман евсиз-ешиксиз галыб.
2012 ҹи илдә Иран Ислам Республикасынын Хариҹи Ишләр Назирлијинин сөзчүсү Мјанма һадисәләринә реаксија олараг, Мјанма һөкумәтинин, бејнәлхалг даирәләрин вә Ислам Әмәкдашлыглары Тәшкилатынын дәрһал ҹидди тәдбирләр ҝөрмәләрини истәјиб.
Ислам Әмәкдашлығы Тәшкилатынын баш катиби Әкмәләддин Еһсаноғлу 2013-ҹү илдә дејиб: Өтән 30 илдә Руһинга Мүсәлманлары Мјанмада инсан һагларынын кобуд формада позулмасы, ирги тәмизләмә, сојгырымы, тәҹавүз вә мәҹбури мүһаҹирәт кими ҹидди проблемләрлә үз-үзәдир.
Диггәт: Хәбәрдән истифадә етдикдә мәнбәјә истинад лазымдыр.
_578fb7ad29a72_57b48006334e2.jpg)
