Әһли Бејт - АБНА – Хәбәр Аҝентлијинин вердији хәбәрә әсасән, Һиҹаб бир гадынын иффәти вә һәјасыдыр. Әҝәр гадын ҹәмијјәтдә һиҹаба риајәт едәрсә, ҹәмијјәтдә ҹинајәтләр азалар вә инсанлар раһатлыг вә һүзур ичиндә јашајарлар. Ислам дининин төвсијә етдији һиҹаб инсана фәрди, иҹтимаи вә психолоҝи раһатлыг ҝәтирир.
Имам Әли (әлејһи сәлам) бу мөвзу илә бағлы нараһатлыгларыны Имам Һәсәнә (әлејһи сәлам) белә билдирир: “(Гадынлары) һиҹаб пәрдәсиндә сахла ки, намәһрәми ҝөрмәсинләр. Чүнки һиҹабда ҹидди олмаг – онларын саламатлыг амилидир”.
Имамын (әлејһи сәлам) нәзәринә ҝөрә һиҹаб ҹәмијјәтин психоложи балансыны тәмин едән мүһүм амилдир.
Әмирәл-мөминин (әлејһи сәлам) гадынларын ахәрил-замандакы ҝејимләринә ишарә едәрәк бујурур: “Ахәрил-заманда ки, ән пис замандыр, гадынлар палтарсыз ашкар олаҹаглар. Онлар динин сәрһәдиндән хариҹ олуб, фитнәләрә дахил олаҹаглар. Шәһвәтә тәрәф мејил едир вә тәләсирләр. Һарамлары һалал едир, нәтиҹәдә ҹәһәннәмдә әбәди әзаба дүчар оларлар”.
Бу нурани һәдисдән бир нечә нәтиҹә чыхартмаг олар:
1. О заман ки, гадынлар һиҹаба риајәт етмәзләр – ән пис замандыр.
2. Гадынлар евләриндән бәзәнәрәк чыхарлар вә иффәт сәнҝәрини сындырарлар. Диндән хариҹ оларлар.
3. Бу ҹүр гадынлар фитнәләрә сәбәб олурлар.
4. Бу ҹүр гадынларын шәһвәтә мејилләри вардыр вә шәһвәтпәрәстлик онлара һаким олмушдур.
5. Бу ҹүр гадынлар һарамлары һалал едир вә динин сәрһәдләрини тапдалајырлар.
6. Нәтиҹәдә бу ҹүр гадынлар ҹәһәннәмдә әбәди әзаба дүчар олар.
Беләликлә дејә биләрик ки, һиҹаб – ҹәмијјәтин психоложи балансыны горумаг үчүн ән мүһүм амилләрдән биридир. Әҝәр бу баланс позуларса, ҹәмијјәтдә фәсад артар вә динин сәрһәдләри позулар.
Диггәт: Хәбәрдән истифадә етдикдә мәнбәјә истинад лазымдыр.
