Әһли Бејт - АБНА – Хәбәр Аҝентлијинин вердији хәбәрә әсасән, депутат Таһир Сүлејманов Шабранда дәбдәбәли имарәтинин ҝөрүнтүләринин јајылмасына мүнасибәт билдириб. “Видеоја чәкиб јазыблар ки, еви вар. Адамын еви олар да? Мәним 70-ә јахын јашым вар, 55-60 илдир чалышырам, мәҝәр мәним евим олмамалыдыр?! Видеону чәкән адама демәк лазымдыр ки, сәнин нә иҹазән вар мәним евими чәкирсән, кимдән иҹазә алыб чәкирсән?”, – дејә Т.Сүлејманов Репорт.аз сајтына данышыб.
О, евинин јахынлығындакы мәсҹиддә азан верилмәсинә гадаға гојмасы барәдә иддиалара да мүнасибәт билдириб: “Дејир ҝуја мән азан сәсини хошламырам. Ахы буну һансы әсасла демәк олар? Мәҝәр биз мүсәлман, азәрбајҹанлы дејилик? Азан вериләндә мән онун сәсини ана лајласы кими ешидирәм, гәбул едирәм. Биз азан сәси илә бөјүмүшүк, бу нә сөһбәтдир, мәним башым чыхмыр?! Ынсан ҝәрәк виҹданла һәрәкәт еләсин. Ону чәкәнә демәк лазымдыр ки, ај бала кимин сифариши илә бура ҝәлмисән, кимин сифариши илә белә бир материал һазырламысан? Сән ?азан хошуна ҝәлмир, азаны сусдуруб? демәклә мәним инанҹыма, дини әгидәмә дә хәләл ҝәтирирсән. Һәр бир азәрбајҹанлы, һәр бир мүсәлманын дамарында әҝәр мүсәлман ганы варса о азанла доғулур, азанла да бөјүјүр. Мән инанҹлы бир инсанам. Бу рајонун мәсҹидлә, гәбиристанлыгла бағлы вә башга хејријјә ишләрини мән апарырам. Ынди ҹамаат да тәәҹҹүб едир ки, бу нә јазыдыр?”
Т.Сүлејманов һазырланан материалын сифариш олдуғуну иддиа едиб.
Т.Сүлејмановун гијмәти милјонларла манатла өлчүлән вилласыны лентә алан блоҝҝер Меһман Һүсејновун депутата ҹавабы ҝеҹикмәјиб. О, “Фаҹебоок” сәһифәсиндә јерләшдирдији ҹавабда билдириб ки, депутатын фәалијјәтинин, ҝәлирләринин шәффаф олмалыдыр. М.Һүсејнов даһа сонра гејд едиб ки, онун һәр бир мәмурун евини чәкмәјә һүгугу вар: “Мәним һүгугум вә иҹазәм вар ки, өлкәдә вәзифәсиндән аслы олмајараг һәр бир мәмурун евини чәким, мүлкләрини чәким, өзүнү чәким, нә илә мәшғул олдуғуну чәким. Милләтин сечдијин депутата һансы суалы истәсәм ону да верә биләрәм, мисал үчүн, јашадығы вилланы һансы пулла тикиб? Һәмчинин сечкили органларда тәмсил олунанлар гануна ујғун олараг мүлкләри вә ҝәлирләри һаггында декларасија тәгдим етмәлидирләр. Бу мәлуматлар да Азәрбајҹан халгына ачыг олмалыдыр. Лакин сизин кими сахта депутатлар горхагдылар, виллаларда ҝизләниб вәтәндашлардан узаг дурурлар.
Депутат дејир ки, “адамын еви олар”. Бәли адамын еви олар, ама 1500 манат мааш алан депутатын 20-30 милјонлуг вилласы ола билмәз. Бу, гејри-мүмкүндүр. Ҝәрәк һәмин депутат бир 200 ил дә ишләсин ки, алдығы маашла белә бир вилла тиксин (һәлә бу билдијимиз вилласыды). Демәли, сизин башга бир сахта ишиниз дә вар ки, халгымыз билмир. Дејә биләрсиниз сизин шәхси бизнесиниз вар. Онда сизә ҹавабым одур ки, Азәрбајҹан ганунунверҹилијинә ҝөрә депутат һеч бир бизнес илә мәшғул ола билмәз. Ганун сизә гадаға едир буну! Ынди сиз дејин ҝөрүм, һансы пулла бу ҹүр 20-30 милјонлуг вилланы тикмисиниз?”
М.Һүсејнов Т.Сүлејмановун халга хидмәт етдији барәдә иддиасыны да дармадағын едиб: “Гијмәтләрин галхмасына етираз олараг Сијәзән ҹамааты ајаға галханда билдирдиниз ки, вәтәндашларын башы гачыб, ичкилидиләр, өзләри билмирләр нә истәјирләр, будурму сизин халга хидмәтиниз?
20 илди депутатсыныз Милли Мәҹлисдә отуруб 2 дәфә ағзынызы ачмысыныз. Сиз һансы үзнән ҝәлиб мәнә ирад билдирисиниз? Һәлә сиз дуруб мәнә чох сағ ол демәлисиз ки, мән сизин һаггынызда видеосүжет чәкиб халга ҝөстәрдим, һеч олмаса инди ҹамаат Таһир адлы бир депутатымызын олдуғуну өјрәнир”.
Блоҝҝер телевизијаларын пулла әлә алындығыны хатырладараг, Т.Сүлејмановун ону да бу үсулла сусдурмаға ҹәһд етдијини билдириб: “Лакин бу да мүмкүн олмады. Сизин гардашынызын мәнә тәклиф еләдијиндән имтина еләдим вә билдирдим ки, буну апарыб о депутатын үзүнә вурарсыныз!”
М.Һүсејнов депутатын дин адамы олмасы барәдә дедикләринә дә тохунуб. “Ај Таһир сән неҹә дин адамысан ки, бахымсыз мәсҹидин јанында касыб бир аиләнин евини сөкүб өзүнә вилла тикмисән? Вилла да Мәсҹиддән 2-3 гат һүндүр вә даһа ҝөзәлдир”, – дејә блоҝҝер Т.Сүлејмановун “Аллаһ севҝиси”нин сахта олдуғуну ортаја гојуб.
Диггәт: Хәбәрдән истифадә етдикдә мәнбәјә истинад лазымдыр.
