Әһли Бејт - АБНА – Хәбәр Аҝентлијинин вердији хәбәрә әсасән, блоҝҝер Меһман Һүсејнов милләт вәкили Таһир Сүлејмановун Шабран рајонунда јерләшән вә гијмәти милјон долларла өлчүлән вилласы илә бағлы видеорепортаж һазырлајыб.
Лакин видеорепортажын һазырландығы бир әрәфәдә блоҝҝер мараглы һадисәләрлә үзләшиб. Белә ки, репортаж һазырланан әразијә гара машынла јахынлашан вә өзүнүн милләт вәкилинин јахыны олдуғуну сөјләјән шәхс, милләт вәкилинин репортажы һазырлајан журналситлә ҝөрүшмәк истәдијини билдириб. Меһман Һүсејновда өз нөвбәсиндә машына минәрәк дејилән әразијә ҝедиб. Машынла ҝәлән шәхс журналисти өзү илә чајханаја апарыб вә чајханада онлары милләт вәкили Таһир Сүлејмановун гардашы гаршылајыб. Бир гәдәр сөһбәтдән сонра әразијә полис әмәкдашлары чағырылыб вә блоҝҝер полис бөлмәсинә апарылыб. Лакин бүтүн мәһрумијјәтләрә бахмајараг полис бөлмәсибндән чыхан блоҝҝер јенидән Таһир Сүлејмановун вилласынын јерләшдији әразијә ҝедәрәк репортажы сона чатдыра билиб.
Сөзүҝедән вилла саһиби илә бағлы диггәт чәкән мәгамлардан бири дә будур ки, депутат Таһир Сүлејманов вилланын кәнарында јерләшән Мәсҹидә сүбһ вахтлары азан верилмәсинә даир гадаға гојуб. Буна сәбәб милләт вәкилинин сүбһ вахты верлилән азан сәсиндән нараһат олмасыдыр. Ејни заманда Аллаһ евинин дуруму илә вилла арасында мүгајисә апардыгда да, олдугҹа аҹынаҹаглы бир мәнзәрәнин шаһиди олмаг мүмкүндүр.
Диггәт: Хәбәрдән истифадә етдикдә мәнбәјә истинад лазымдыр.
_578fb7ad29a72_57acb10db575f.jpg)
