Әһли Бејт - АБНА – Хәбәр Аҝентлијинин вердији хәбәрә әсасән, Австралијанын Сакит океандакы мүбаһисәли Науру нәзарәт мәркәзи илә бағлы сыздырылан 2 миндән чох һесабат мәркәздә гадын вә ушагларын ҹинси тәҹавүзә мәруз галдығыны ортаја чыхарыб.
2013 мај - 2015 октјабр тарихләриндә ишчиләр тәрәфиндән тутулан ики миндән чох һесабат Науру адасындакы мәркәздә јашајан гачгын Мүсәлман гадын вә ушагларын ҹинси истисмара мәруз галдығыны, һәмчинин онларын травма кечирдијини ҝөстәрир.
Һесабатларда гачгын гызлара мәктәбләрдә диҝәр тәләбәләр тәрәфиндән тәҹавүз едилдији, сигарет вә марихуана гаршылығында ҹинси әлагәјә мәҹбур едилдији, тәҹавүзә мәруз галанларын өзләринә зәрәр вермәјә чалышдығы гејд олунуб.
Һесабатда гачгынларын кечирдији травмалар арасында бир ушағын әлинә ијнәли үрәк шәкли чәкилмәси, гачгын бир гадынын Австралијада јашајан һәјат јолдашынын адыны синәсинә бычагла гашымасы кими нүмунәләр дә ҝөстәрилиб. Австралија һөкумәти һесабатлардакы иттиһамларын һәлә тәсдиг едилмәдијини, мәркәздә баш вердији иддиа едилән һадисәләрин арашдырылмаг үчүн Науру полисинә билдирилдијини гејд едиб.
Диҝәр тәрәфдән, австралијалы сәлаһијјәтли Ришард Марлес, мәркәздә шәффафлыг олмамасыны вә мүстәгил нәзарәт етмәмәсини тәнгид едиб. Бу арада Австралија Миграсија Назирлијинин нүмајәндәси Науру рәһбәрлијинин нәзарәтини тәһвил алаҹағы мәркәздәки гачгынларын сағламлыг, рифаһ вә тәһлүкәсизлијинин тәмин олунмасына дәстәк олмаға давам етдикләрини ачыглајыб.
Науру нәзарәт мәркәзиндә тәхминән үч илдир сахланылан диҝәр Мүсәлман гачгын Үмид Мәсумәли Бирләшмиш Милләтләр Тәшкилатынын Гачгынлар Үзрә Али Комиссарлығы вәзифәлиләрин ҝөзү гаршысында өзүнү јандырараг интиһар етмишди. Мәсумәлинин интиһарындан беш ҝүн сонра да дүшәрҝәдә галан сомалили бир гадын өзүнү јандырараг ағыр јаныг хәсарәтләри алмышды. Баш верән һадисәләр диггәтләри бир даһа нәзарәт мәркәзләринә јөнәлтмишди.
Диггәт: Хәбәрдән истифадә етдикдә мәнбәјә истинад лазымдыр.
