Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Нормандија әјаләтиндә Руан шәһәриндә баш вермиш һадисә илә әлагәдар олај јеринә ҝәлән Франса президенти Франсуа Олланд дејиб: “Франсанын шималында килсәдәкә инсанларын ҝиров ҝөтүрүлмәси һадисәси террор һүҹумудур. Һүҹум едәнләр ИШИД илә әлагәләринин олдуғуну билдирибләр.”
Гејд едәк ки, бу ҝүн сәһәр саатларында бычагла силаһланмыш ики намәлум шәхс Сент-Етјен-дју-Рувре килсәсиндә беш нәфәри - кешиши, ики раһибәни вә ибадәт етмәјә ҝәлән ики адамы ҝиров ҝөтүрүб. Һадисәдән аз сонра полис һүҹум едән һәр ики шәхсин өлдүрүлдүјүнү бәјан едиб.
КИВ-ин мәлуматына ҝөрә, онлар бинадан гачмаг истәјәркән ҝүлләләнибләр. Һәмин ана гәдәр намәлум шәхсләр кешиши өлдүрмәјә, даһа бир ҝирову исә ағыр јараламаға маҹал тапыблар.
Хатырладаг ки, ИШИД АБШ, исраил, Гәрб дөвләтләри хүсусилә дә, Инҝилтәрә вә Франса тәрәфиндән там дәстәк алан гурама бир террор груплашмасыдыр.
Диггәт: Хәбәрдән истифадә етдикдә мәнбәјә истинад лазымдыр
