Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, АБШ, сионист исраил, Гәрб дөвләтләринин марагларына хидмәт едән азғын вәһһаби тәригәтинин мүфтиләринин арзусу һәјата кечмәди. Беләл ки, вәһһаби мүфтиләринин фәтваларына ујғун олараг, һәзрәти Мәһәммәд Пејғәмбәрин (сәлләллаһу әлејһи вә алиһ) мүгәддәс мәзарынын јерләшдији Мәсҹиди-Нәбәвини партлатмаға ҹәһд едибләр.
Бу мәгсәдлә јерли вахтла 19:00 радәләриндә вәһһаби террорчу үзәриндәки бомбаны Мәсҹидин јахынлығындакы нәзарәт нөгтәсиндә партладыб.
Илкин мәлумата ҝөрә, партламада террорчујла бәрабәр, даһа 5 нәфәр һәјатыны итириб. Террор һадисәсинин ахшам азанындан дәрһал сонра баш вермәси өлү сајынын хејли артаҹағы еһтималына јол ачыр.
Гејд едәк ки, Мәсҹиди-Нәбәви һиҹрәтдән сонра һәзрәти Мәһәммәд Пејғәмбәр (сәлләллаһу әлејһи вә алиһ) вә әмиси һәзрәти Һәмзә вә әмиси оғлу һәзрәти Әли (әлејһимә сәлам) кими танынмыш сәһабәләр тәрәфиндән инша едилиб. Ислам дининдә илк Мәсҹиддир вә Мәһәммәд Пејғәмбәрин (сәлләллаһу әлејһи вә алиһ) мүбарәк мәзары да, орада јерләшир.
"Нәбәви" сөзү әрәбҹәдә "Пејғәмбәрә аид" демәкдир. "Мәсҹид-и Нәбәви" сөз бирләшмәси исә "Пејғәмбәрин Мәсҹиди" мәнасына ҝәлир. Мәккәдәки Мәсҹиди-Һарамдан сонра Мүсәлманларын икинҹи ән мүгәддәс сәҹдәҝаһы һесаб олунур.
Диггәт: Хәбәрдән истифадә етдикдә мәнбәјә истинад лазымдыр
