Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, АБШ-ын Мериленд штатындакы "Coint Base Andrews" һәрби базасында силаһлы һүҹум һәјәҹан сигналы верилиб.
Реутерс-ә данышан бир Мүдафиә Назирлији рәсмиси базада силаһлы бир тәҹавүзкарын олдуғуну билдириб. О, һүҹуму едән шәхсә ҹаваб атәшинин ачылдығыны да вурғулајыб.
Һадисәнин баш вердији базадакы шәхси һејјәтә јерләшдикләри биналардан чөлә чыхмамалары барәдә әмр верилиб.
Associated Press-ин хәбәринә ҝөрә, Родни Смит адлы АБШ рәсмиси белә бир ачыглама илә чыхыш едиб: "Әввәл "силаһлы һүҹум" тәлими кечирилирди. Сонра вәзијјәт һәгигәтә чеврилди".
"Coint Base Andrews" һәрби базасы АБШ президентләрини дашыјан Аир Форс Оне тәјјарәләринин јерләшдији базадыр. Һәмин һәрби база Ағ Евә тәхминән 24 километр мәсафәдә јерләшир.
Ејни заманда бура АБШ президенти Барак Обаманын мүнтәзәм олараг голф ојнадығы һәрби база кими таныныр. Обама дүнән дә бу базаја ҝәлмишди.
Диггәт: Хәбәрдән истифадә етдикдә мәнбәјә истинад лазымдыр
