Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, “Фәллуҹә” әмәлијјатларынын командири Әбдүл Вәһһаб әл Саиди 26 ијун 2016-ҹы илдә рәсми ачыглама верәрәк Фәллуҹә шәһәриндә һәрби әмәлијјатларын сон јетдијини елан едиб.
О билдириб: “Фәллуҹә шәһәриндә апарылан һәрби әмәлијјатлар шәһәрин шимал бөлҝәсиндә јараглыларын нәзарәт етдикләри әл Ҹулан мәнтәгәсинин азад едилдијиндән сонра баша чатыб. Бир ајдан чох давам едән (админ: 36 ҝүн) бу әмәлијјатларда күлли мигдарда террорчу мәһв едилиб.”
Фәллуҹә әмәлијјатларынын командиринин сөзчүсү бригада башчысы Јәһја Рәсул да хәбәри тәсдигләјәрәк билдириб: “Терроризимлә мүбаризә гүввәләри, Полис алајлары, Ираг ордусу, Бағдад әмәлијјатлар командирлији, Дәстәк ваһидләри о ҹүмләдән Артиллерја вә Һава гүввәләри вә "Һашду Шаби" көнүллү дәстәләрләри илә бирликдә кечирдији әмәлијјат чәрчивәсиндә Фәллуҹә шәһәри вә әтраф рајон, гәсәбә вә кәнләри тамамилә сабиг диктатор ртежиминә бағлы олан “Бәс” партијасы үнсүрләриндән вә гондарма “ИШИД” адлы террорчулардан тәмизләнәрәк азад едилди.”
Гејд едәк ки, Фәллуҹә Әнбар әјаләтинин икинҹи бөјүк шәһәри вә пајтахт Бағдадын 50 км мәсафәсиндә јерләшән, террорчу гүввәләр үчүн јүксәк әһәмијјәт кәсб едән бир шәһәр иди. Белә ки, 13 ил бојунҹа террорчулар Бағдадда кечиртдикләри террор әмәлијјатларынын әксәр иссәсини бу шәһәрдә һазырлајыб вә иҹра едирдиләр.
Диггәт: Хәбәрдән истифадә етдикдә мәнбәјә истинад лазымдыр
