Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын Ислам Ингилабы Кешикчиләри – Сепаһын Командири Ҝенерал Һаҹ Гасим Сүлејмани Бәһрејнә ганунсуз һаким кәсилмиш Али Хәлифә вәһһаби режиминә вә бу режими дәстәкләјән хариҹи дөвләтләрә ҝөрүнмәмиш хәбәрдарлыг едиб.
О, Бәһрејнли Мүчтеһид Ајәтуллаһ Шејх Иса Гасим ҹәнабларыны Сепаһын “Гырмызы Хәтти” адландырараг билдириб: “Гырмызы хәттәдән кечмәк Бәһрејн режимини мәһвә доғру апараҹаг!”
Ҝенерал Сүлејмани 20 ијун 2016 тарихдә хәбәрдарлыг бәјанаты јајымлајараг билдириб: “Гырмызы хәтдән кечмәк Бәһрејндә вә еләҹә дә, бүтүн мәнтәгә өлкәләриндә јени аловун шөләләнмәсинә ҝәтириб чыхараҹаг. Сонда халг силаһлы мүбаризәјә әл атмагдан башга чыхыш јолу ҝөрмәјәҹәк. Бунун да нәтиҹәси ганичән (админ: Бәһрејн) режимин мәһвинә ҝәтириб чыхараҹагдыр.”
Бәһрејн Али Хәлифә режиминә дәстәк верән дөвләтләрә (Инҝилтәрә, Гәрб дөвләтләри вә Сәудијјә Әрәбистаны) дә, сәсләнән Һаҹ Гасим Сүлејмани дејиб: “Ајәтуллаһ Шејх Гасим Сүлејманијә һөрмәтсизлик етмәк, Бәһрејн халгына һәддән артыг тәзјигләр ҝөстәрмәк бу өлкәдә јени “Ганлы Интифадәнин”- силаһлы мүбаризәнин башланмасына сәбәб олаҹагдыр.”
Хатырладаг ки, бир нечә ҝүндүр ки, Бәһрејнә ганунсуз јолларла һаким кәсилмиш вәһһаби падшаһлыг режими өлкәдә чохлуг тәшкил едән Шиәләрә гаршы амансыз тәзјигләрини чохалдараг Бәһрејнин дүнја сәвијјәсиндә танынмыш Мүҹтеһидини, Ајәтуллаһ Шејх Иса Гасим ҹәнабларынын шәхсијјәт вәсигәсини әлиндән алараг өлкә вәтәндашлығындан мәһрум едиб.
Диггәт: Хәбәрдән истифадә етдикдә мәнбәјә истинад лазымдыр
