Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Испанијада әразиси 140 км², әһалисинин сајы 703.021 нәфәри өтән Севилја шәһәриндә Исламафобија сијасәтләринин нәтиҹәси олараг 3 Ҹаме Мәсҹидинин тикинтисинә өлә рәсмиләри тәрәфиндән гадаға гојулду.
Ел Мундо газетинин өтән ҝүнкү сајында бу һагда белә јазылыб: Севилја шәһәриндә 30 мин Мүсәлман әһалиси үчүн рәсми сүрәтдә гејдијјата алынан 8 Мәсҹид вардыр. Бу Мәсҹидләрин әксәријјәти тиҹарәт објектләриндә вә сәнаје мәканларында фәалијјәт ҝөстәрир. Мәсҹидләр имканат ҹәһәтиндән чох ашағы сәвијјәдәдир. Ејни заманда да хејли сајда намаз гыланлар үчүн бу Мәсҹидләрдә ибадәт етмәјә јер чатмыр.
Севилја шәһәринин иҹтимаи јерләриндә јени Мәсҹидләрин бәрпа едилмәси олдугҹа јахшы ишдир лакин иҹтимаи објектләрин кирајә ҝөтүрүлмәсинин өзүнүн ајрыҹа дәрд-сәри вардыр. Бәзи һалларда мүлк саһибләри биләндә ки, әмлакларындан Мәсҹид үнванында истифадә олунаҹаг кирајә вермәкдән ваз кечирләр.
Сон илләр әрзиндә Испанијада бөјүк Мәсҹидләрин тикинтиси вә ја кирајәјә ҝөтүрүлмәси бир нөв иҹтимаи гадағалар илә үзләшиб. Тәкҹә Севилја шәһәриндә тикиләҹәји нәзәрдә тутулан 5 Мәсҹиддән 3-ү гоншуларын тәшкил вердикләри тәзаһүратлар вә мүәммалы сијаси гадағалар нәтиҹәсиндә тикилә билмәди.
Диггәт: Хәбәрдән истифадә етдикдә мәнбәјә истинад лазымдыр
