Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ислам Ингилабынын Рәһбәри Ајәтуллаһ Хаменеи ҹәнаблары өтән ҝүн Ислам Дөвләт рәсмиләрини гәбул едиб.
Ҝөрүш заманы чыхышынын әввәлиндә һамыны Мүбарәк ајдан лајигинҹә истифадә етмәјә чағыран Имам Хаменеи дејиб: “Бу ајын дуаларында мүхтәлфи ҝүнаһлардан узаг олмағы Аллаһдан диләјирик. Бу ҝүнаһлардан һансыса бири дөвләт мәмурларында оларса өлкә ҹәмијјәтинә зәрбә дәјәҹәкдир. Гәфләт, тәҹрүбәсизлик, даш гәлбли олмаг, веҹсиз вә тәкәббүрлү олмаг бу нөв ҝүнаһлардандыр. Мәмурлар бу мәнфи хүсусијјәтләрә диггәт етмәсәләр сонда нифаг вә илаһи немәтләри данмагларына сәбәб олаҹагдыр. Бу ҝүнаһлардан узаг олмағын јеҝанә јолу тәгвадыр.”
Дүшмәнлә мүбаризәнин әһәммијјәтинә тохунан Ајәтуллаһ Хаменеи “Онларын һијлә вә планларыны танымалы вә мүбаризә апармалыјыг. Дүшмән Ислам Республикасынын баҹарыгларыны дондурмаг истәјир. Буна наил олмадыгда бу баҹарыгларын инкишафынын гаршысыны алмаға чалышыр. Онларла мүбаризә апармағын јеҝанә јолу өлкәдә вар олан потенсиалдан дүзҝүн шәкилдә јарарланмаг вә өлкәнин игтидарыны артырмагдыр. Гаршы тәрәф бүтүн ҝүҹүндә, хүсусән виртуал аләмдән истифадә едәрәк ҹаван нәслин иманыны арадан апармаг нијјәтиндәдир. Икинҹи мәсәлә исә онларын елми инкишафымыза мане олмаларыдыр. Онлар бунун реаллашмамасы үчүн алимләримизи террор едир, мүхтәлиф интернет вирусларындан истифадә едир. Биз онларын төрәтдикләри бу ҹинајәтләрини бејнәлхалг мәһкәмәләрә чыхара биләрдик. Бизим нүвә силаһы дүзәлтмәјимиз онлар үчүн бир бәһанәдир. Онлар бу јолла елми инкишафымызын гаршысыны алмаг нијјәтиндәдирләр. Ҹәмијјәтимизин ҹаван тәбәгәси бөјүк вә мүһүм немәтдир. Мәмурлар дүзҝүн програмларла өлкәнин ҹаван тәбәгәсинин артмасына чалышмалыдырлар. Дүшмәнимиз “тәкәббүр шәбәкси”-дир ки, онун башында АБШ вә диҝәр тәрәфдән “Сионист шәбәкәси”-дир ки, онун символу да ишғалчы Исраил режимидир.”, -дејә билдириб.
Американын дүшмәнчиликләринин һәлә дә битмәдијинә тохунан Ајәтуллаһ Хаменеи, өлкәнин хариҹи ишләр назири Ҹавад Зәрифин бу барәдә сөзләринә тохунараг дејиб: “Ҹәнаб назирин “АБШ заты һәлә дә дәјишмәјиб” сөзү тамамилә дүзҝүн сөз иди. АБШ-ын заты Рејганын дөврүндәки кимидир вә демократларла республикачылар бу барәдә һеч бир шејлә фәргләнмирләр. Бәзиләри бизим АБШ-ла проблемләримизи һәлл едә биләҹәјимизи дүшүнүрләр, лакин бу јалныш тәсәввүрдүр. Онларын аддымлары даима дүшмәнчилик вә чиркинлик үзәриндә гурулуб. Онларын әсас проблеми Иран Ислам Республикасынын варлығыдыр ки, бу да мүзазкирә илә һәлл олунан дејил. Онларын истәкләри битмәјәҹәкдир. Неҹәки нүвә мәсәләләриндән сонра ракет мөвзусуну ортаја атыблар вә бу мөвзудан сонра нөвбә инсан һагларына ҝәләҹәкдир. Даһа сонра өлкәнин нәзарәт тәфтиш комитәсини, вилајәт-фәгиһ нәзәријјәсини вә сонда конститусијамызы вә ислами һакимијјәтимизи мүзакирә едәҹәкләр. Беләликлә АБШ-ла сүлһ гаршылыглы әлагә гурмағымыз јалныш тәсәввүрдүр."
"Бәзиләри елә дүшүнүр ки, АБШ-ын өлкәмизлә олан дүшмәнчилији Иранын тәһрик едиҹи мөвгеји вә дүшмәнчилијидир. Бир һалда ки,ингилабын әввәлиндә санксијлара, тәләбкарлыға, дүшмәнләримизә сығынаҹаг вермәјә онлар башлады вә бунунла да дүшмәнчилијин бүнөврәсини гојду. Дүшмәнин планларынын јеҝанә әлаҹы, өлкәнин тохунулмамазлығынын вә игтидарынын ҝүҹләнмәсидир. Гурана әсасән баҹардығымыз гәдәр иман, игтисад, мүдафиә, елм, сијасәт вә ҹәмијјәт ҝүҹүмүмүзү чохалтмалыјыг.”, -дејә Ингилаб рәһбәри әлавә едиб.
Иранын нүвә мүзакирәләри мөвзусуна да тохунан Ајәтуллаһ Хаменеи билдириб: “Һәм мүхалиф, һәм дә мүвафиг олан тәрәфләрдән мүбалиғә мөвгеләр сәрҝиләниб. Һәм тәрифләјәнләр, һәм гынајанлар өз сөзләриндә мүбалиғә едибләр. Бу разылашманын һәм мүсбәт, һәм дә мәнфи тәрәфләри вар иди. Үстүн ҹәһәти бу иди ки, Ислам Республикасыны мүзакирәләрә чәкди. Мәнфи ҹәһәти исә бизим даима горхдуғумуз бир мәсәләдир бу да гаршы тәрәфин затынын пис олмасы вә әһдә вәфа етмәмәсидир. Бизим разылыг барәдә дедикләримиз мүзакирә һејәтимизлә јох, гаршы тәрәфлә бағлыдыр. Ислам Республикасы илк олараг бу разылығы позан тәрәф олмајаҹагдыр, чүнки әһдә вәфа етмәк Гуранын ҝөстәришидир. Лакин АБШ президентлијинә намизәд оланларын разылығы ҹырмаг тәһдиди реаллашарса, Ислам Республикасы бу разылығы јандыраҹагдыр. Бу да онларын әһдә вәфа етмәмәләринин гаршылығыдыр. Гаршы тәрәфин вәзифәси санксијаларын галдырылмасы иди ки, реаллашмады. Бәзи санксијалар дилдә ҝөтүрүлсә дә, әмәли бахымдан һеч бир дәјишиклик баш вермәјиб. Америкалылар илкин санксијалары олдуғу кими сахлајыблар. Өлкә мәсуллары бу мәсәләјә диггәт етсинләр вә санксијаларын галдырылмасыны тәкрар етмәсинләр. АБШ тәрәфи дилдә, банкларын Иранла әлагәсиндә һеч бир манеәнин олмадығыны десәләр дә, әмәлдә елә бир аддым атырлар ки, банклар бу әлагәни јаратмаг үчүн ҹүрәт тапмырлар. Биз вердијимиз сөзләрин һамысына садигик вә 20% зәнҝинләшдирмәмизи дондурдуг.”
Диггәт: Хәбәрдән истифадә етдикдә мәнбәјә истинад лазымдыр
