Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Русија президентинин мәтбуат катиби Дмитри Песков билдириб: “Түркијә президенти Рәҹәб Тајјип Әрдоғанын Владимир Путинә мәктубу әнәнәви протокол ҝөндәришидир. Бу мәктуба ҹаваб вермәк тәләб олунмур. Милли бајрамлар мүнасибәти илә әнәнәви олараг белә ҝөндәришләр олур. Бу протоколдур вә бејнәлхалг мүнасибәтләрдә садә тәҹрүбәдир. Тәәссүфләр олсун ки, бу ҝөндәришдә һансыса диҝәр мәзмунлу анлар јох иди".
Д. Песковун сөзләринә ҝөрә, өлкәләр арасындакы мүрәккәб дипломатик мүнасибәтләр һеч вахт мәктуб мүбадиләсинин кәсилмәси үчүн бәһанә олмур: "Бәзән мәктублар ҝәлир, бәзән ҝәлмир. Бу, вәзијјәтдән асылыдыр. Бу ил мәктуб ҝәлди. Чүнки бу, Түркијә бизим тәјјарәјә һүҹум едәндән сонра биринҹи милли бајрам ҝүнү иди".
Гејд едәк ки, Түркијә президенти Рәҹәб Тајјип Әрдоған русијалы һәмкары Владимир Путинә Русија Ҝүнү мүнасибәтилә тәбрик мәктубу ҝөндәриб. Әрдоған мәктубунда рус халгыны Русија Ҝүнү мүнасибәти илә тәбрик едиб вә јахын вахтларда Русија-Түркијә мүнасибәтләринин лајигли сәвијјәјә чатмасыны арзулајыб.
Диггәт: Хәбәрдән истифадә етдикдә мәнбәјә истинад лазымдыр
