Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, үч ил өнҹә 15 Шәбан ајында (2013-ҹү илдә) сонрадан шиәлији гәбул етмиш мисирли алим, Әлламә Һәсән Шәһһатә 5 нәфәр башга Шиә илә бирликдә Имам Заман һәзрәтләринин виладәт бајрамыны шәхси мүлкиндә гејд едәркән азғын сәләфи үнсүрләринин һүҹумуна мәруз галараг дәјәнәкләрлә вәһшиҹәсинә дөјүләрәк јарымҹан һалында дәмир гыјнаглар кечирилиб шәһәрин күчә вә хијабанларында сүрүтләнәрәк уҹа Шәһадәт Мәгамына наил олмушдур.
Ашағыда охујаҹағыныз ирфани гәзәл бөјүк устад, Сејјид Имаддәндин Нәсиминин унудулмаз әсәрләриндәндир. Сосиал шәбәкә истифадәчиләри бу гәзәли Шәһид Әлламә Шәһһатәнин хатирәсини јад етмәк мәгсәди илә јајымлајыблар.
Еј мүсәлманлар, мәдәт, ол јар пүнһан ајрылыр.
Ағламајым нејләјим, чүн ҝөвдәдән ҹан ајрылыр.
Еј сәнәм һиҹран әлиндә налеји зар ејләрәм.
Ҝөзләримдән санасан, дәрјаји үмман ајрылыр.
Ол сәбәбдәндир ки, бимарү рәнҹур олмушам.
Хәстә көнлүм мәрһәми, шол дәрдә дәрман ајрылыр.
Рәнҝи чөһрәм зәрд олубдур, гамәтум һәм чүн һилал.
Ол ҝүнәш үзлү һәбибим, лә'ли хәндан ајрылыр.
Тагәтим, сәбрим түкәнди, јарсыз мән нејләрәм?
әглими шејда гылан ол чешми фәттаһ ајрылыр.
Мәһшәри јовмил һесаб, гопду гијамәт башыма.
Еј Јусиф сурәтли, мәндән пири Кә'нан ајрылыр.
Еј ҹиҝәрсиз нари, Фиргәтдән Нәсими чарә нә?
Һәр кимә нәһнү гәсәмна чүн әзәлдән ајрылыр.
Имадәддин Нәсими!
Диггәт: Хәбәрдән истифадә етдикдә мәнбәјә истинад лазымдыр
