Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Пакистанда Шиәләрин ән бөјүк тәшкилаты сајылан “Мүсәлманларын Вәһдәт Мәҹлиси” һәракаты өлкә рәсмиләринин Пакистанда Шиәләрин узун илләр мүтәмади сүрәтдә террор едилмәси фактына биҝанә јанашмаларына етираз әламәти олараг 14 мај 2016 тарихдән етибарән аҹлыг аксијасы кечирибләр. Аксија “Мүсәлманларын Вәһдәт Мәҹлиси” һәракатынын Баш Катиби Әлламә Раҹе Насир Әббас Ҹәфәри тәрәфиндән башланыб. Даһа сонра һәракатын әсас үзвләри вә диҝәр шәхсијјәтләр бу аксијаја гошулублар. Етиразчылар аксијаја Пајтахт Исламабад шәһәринә давам етдирирләр. Аҹлыг аксијасына старт верән “Мүсәлманларын Вәһдәт Мәҹлиси” һәракатынын Баш Катиби Әлламә Раҹе Насир Әббас Ҹәфәринин һалы 17 ҝүндән сонра гәфил писләшиб вә ону хәстәханаја апарыб јерләшдирибләр.
Пакистан Шиәләринин аҹлыг аксијасына старт вермәләринин әсас сәбәбини сајтымызын изләјиҹиләринә чатдырмагдан өтрү АБНА сајты “Мүсәлманларын Вәһдәт Мәҹлиси” һәракатынын баиләриндән бири олан вә һалһазырда Лондонда Мәсҹиддә Имам Ҹамаатлыг вәзифәсини дашыјан Һөҹҹәтүл Ислам вәл Мүслимин Гулам Һур Шубејри илә мүсаһибә едиб. Мүсаһибәни тәгдим едирик:
АБНА: Лүтфән дејин ҝөрәк нә үчүн Әлламә Раҹе Насир Әббас Ҹәфәри аҹлыг аксијасы кечирмәк фикринә дүшдү?
- Бисмиллаһир Рәһманир Рәһим. Бунун әсас дәлили узун илләр мүтәмади сүрәтдә Шиәләрин Пакистанда гәтлиам едилмәсидир. Террор груплары 1962-ҹи илдән башлајараг бу ҝүнә кими Пакистанда 27000 ҝүнаһсыз Шиәнин хүсуси илә дә, мүхтәлиф елм вә иш инсанларынын һәјатына сон гојублар. Лакин бу ҝүнә кими дөвләт бу һагда һеч бир ҹидди аддым атмајыб. Шиәләри гәтлә јетирән гатилләр өлкәдә азад сүрәтдә ҝәзир вә Шиәләр гаршы зоракы фәалијјәтләрини ашкара давам етдирирләр. Һәтта иш о јерә ҝәлиб чатыб ки, дөвләт бәзи вахтлар ашкара террорчу груплара дәстәк верир!
Диҝәр вурғуланасы мәсәлә исә, Нәваз Шәрифин башчылыг етдији һазыркы дөвләти Шиәләрә гаршы хүсуси јени дүшмәнчилик мөвгеи сәрҝиләјир вә онларын торпаг вә әмлакларыны зорла әлләриндән алыр! Мүхтәлиф бөлҝәләрдә Шиәләрә әзијјәт вериб һәбс етмәк үчүн намәлум ганунлардан истифадә едир. Сәләфи руһаниләри дә бу јөндә дөвләтин зүлмүнә јардымларын әсирҝәмирләр.
АБНА: Лүтфән дөвләтин сон аддымлары һаггда бираз ҝениш изаһ верин. Јәни дөвләт неҹә вә нәҹүр Шиәләрин әмлак вә торпагларыны мәнимсәјәрәк саһиб чыхыр?
- Ҝилҝит вә Бәлтистан Пакистанда Шиәләрин компакт јашадыглары мәнтәгәләрдир. Әһли Бејт (әлејһимус сәлам) давамчылары бу бөлҝәләрдә хејли сајда торпаг әмлакына саһибдирләр. Ордду вә дөвләт органлары мүхтәлиф үсулларла онларын әмлакларыны мүсадирә едирләр. Онларын һәдәфи Шиәләрин бу мәнтәгәләрдә сајыны азалдыб игтисади дурумларыны зәифләтмәкдир.
АБНА: Зоракылгларын давам етмәси һагда нә дејә биләрсиз?
- Бәли, вәзијјәт дәјишилмәз олараг галмагдадыр. Елә бир нечә ҝүн бундан өнҹә бүтүн әһалиси Шиә олан Парачинар мәнтәгәсиндә террорчулар дејил мәһз тәһлүкәсизлик орган ишчиләри Имам Һүсејнин (әлејһи сәлам) милад бајрамы үчүн кечирилән мәрасимә һүҹум чәкәрәк бир нечә нәфәри Шәһид етдиләр вә хејли сајда ҝүнаһсыз инсанлары јараладылар. Тәкҹә Дејре Исмаил Хан мәнтәгәсиндә бир ҝүн әрзиндә дөрд Шиәни Шәид етдиләр. Дөвләт исә бүтүн бу ҹинајәтләрә ҝөз јумду вә һеч бир тәдбир ҝөрмәди!
АБНА: Дедијиниз кими Пакистан Шиәләринә гаршы зоракылыглар артыг онилликләр әрзиндә давам едир. Сизҹә бу аксијанын бир хејри олаҹагмы? Вәзијјәти дәјишә биләҹәкми?
- “Мүсәлманларын Вәһдәт Мәҹлиси” хүсуси илә дә, Һөҹҹәтүл Ислам вәл Мүслимин Раҹе Әббас Насир там гәтијјәтлә Шиәләрин һүгугларынын бәрпа олунаҹағы ҝүнә кими аҹлыг аксијасына давам етдирәҹәкләрини елан едибләр. Онлар аҹлыг аксијасыны кечирмәклә дөвләтә тәзјиг ҝөстәрмәк, үмум фикирләри ҹәлб етмәк вә халгда ојаныш јаратмаг нијјәтиндәдирләр.
АБНА: Аксија иштиракчыларынын тәләбләри нәдир?
- Онларын тәләб етдикләри мүәјјән истәкләр бунлардыр:
1. Өлкәнин мүхтәлиф јерләриндә Пакистан Шиәләринә гаршы апарылан террор әмәлијјатларынын гаршысыны алмаг үчүн лазымы аддымларын атылмасы,
2. Шикарпур, Ҹијкәб вә с. мәнтәгәләрдә баш вермиш бүтүн Шиә гәтлиам һадисәләринин говлуглары һәрби мәһкәмәјә ирҹа верилмәлидир,
3. Пәнҹаб әјаләтиндә Шиәләрин дини ајинләр хүсуси илә, әзадарлыг мәрасимләринин кечирилмәсинә гојулан мәһдудијјәтләрин арадан галдырылмасы,
4. Тәкфирчи, екстримист вә фиргәпәрәст секталарын фәалијјәтләринин гадаған едилмәси,
5. Дөвләтин “Хејбәр Пәхтунхаһ” әјаләтиндә Шиә гәтлиамына рәваҹ вермәсини мәһкум етмәк вә бу ишдә бирбаша рол ојнајан дөвләт мәмурларынын ҹинајәтә ҹәлб едилмәси.
6. Сон ҝүнләрдә Парачинар Шиәләринин Орду Гүввәләри тәрәфиндән ганларына гәлтан едилмәси ҹинајәт олајы илә бағлы тәфтиш комитәсинин јарадылмасы,
7. Ҝилҝит вә Бәлтистан бөлҝәләриндә Шиәләрин әмлак вә торпагларынын дөвләт тәрәфиндән мәнимсәнилмәсинә сон гојмаг вә алынмыш әмлак вә торпаг әразиләринин јенидән өз әсил саһибләринә Шиәләрә ҝери гајтарылмасы.
Аксија иштиракчылары елан едибләр ки, дөвләтдән тәләб етдикләри 7 бәндин һаммысы һәјата кечирилмәјәҹәји тәгдирдә аҹлыг аксијасына давам етдирәҹәкләр.
АБНА: Сизҹә дөвләт хүсуси илә дә, Пакистанда “ИСИ” кими гүдрәтә малик олан мәркәзләр сизин бу истәкләринизә мүсбәт ҹаваб верәҹәкләр?
- Аҹлыг аксијасынын хәбәрләри бүтүн Пакистанда артыг јајылыб вә һәр кәсин бундан хәбәри вардыр. Шималда Бәлтистан әјаләти, ҹәнубда Синд әјаләтинин мүхтәлиф мәнтәгәләриндә јашајан сакинләри аҹлыг аксијасына дәстәк мәгсәди илә, ајры ајрылыгда аҹлыг аксијалары кечирирләр. Лакин бүтүн бунлара бахмајараг бу ҝүнә кими дөвләт һәлә дә, сүкут етмәкдәдир. Етиразчылар милјонарла Пакистан Шиә вәтәндашларынын тапдаланмыш һүгугларынын бүтөвлүклә ҝери алынмасы јахуд ән азындан Шиәләрин өлкәдә гүдрәтә ҝәлмәси вә һүгуги јоллар илә һаггларына чатмасы мәгсәди илә аҹлыг аксијалары кечирмәклә дөвләтә тәзјиг ҝөстәрмәјә исрарлыдырлар. Әҝәр өлкә дахили вә хариҹиндә јашајан инсанларын үмуми фикирләриндә ојаныш едә билсәк, һәдәфләримизә наил олмағымыз һечдә гејри-мүмкүн иш дејилдир.
АБНА: Аҹлыгаксијасына һачанстартверилиб? Вә бу ҝүн артыг аксијанын нечәнҹи ҝүнүдүр?
- Аксија Ҹари илин мајајынын 13-ү, Ҹүмә ҝүнү башлајыбдыр. Вә бу ҝүн артыг аҹлыг аксијасынын 24-ҹү ҝүнүдүр.
АБНА: Әлламә Раҹе Насир Әббас Ҹәфәри илә даһа нечә нәфәр аҹлыг аксијасы кечирир?
- Аҹлыг аксијасыны әсасән Әлламә Раҹе Насир Әббас Ҹәфәри кечирирди, амма артыг бу ҝүн “Мүсәлманларын Вәһдәт Мәҹлиси” һәракатынын бүтүн рәһбәрләри бу аксијаја гошулуб. Өнҹә ишарә етдијим кими аҹлыг аксијасынын кечирилмә хәбәри өлкә дахили вә хариҹиндә јајылан ҝүндән артыг мүхтәлиф тәшкилатлар вә сырави инсанлар һәраката дәстәк олдугларыны елан едибләр вә һәр ҝүн онларла инсан Әлламә Ҹәфәри илә ҝөрүшмәк үчүн Исламабада ҝәлирләр.
Һәмчинин һалһазырда Пакистанын Лаһур, Карачи, Мелтан, Парачинар вә Бәлтистан әјаләтләриндә һабелә, АБШ-ын Нју- Јорк шәһәриндә, Ирагда, Лондонда вә саир гәрб вә шәрг өлкәләриндә мүхтәлиф һүгуги тәшкилатлар пикет вә аксијалар кечирәрәк Әлламә Раҹе Насир Әббас Ҹәфәринин аксијасына дәстәк вә Пакистан Шиәләри илә һәмдәр олдугларыны елан едибләр. Белә ки, Лондонда инсанлар Пакистан сәфирлији гаршысында пикет дүзәнләјибләр. Бундан әлавә Пакистандакы бүтүн гејридөвләт тәшкилатлары аксијанын гануни олдуғуну вә ирәли сүрүлән бүтүн тәләбләрин һагг олдуғуну тәсдигләјибләр. Бүтүн бунлар онун ҝөстәриҹисидир ки, әлһәмдулиллаһ атылан аддымлар тәсирли олуб.
АБНА: Аксија һарада кечирилир?
- Аксија пајтахт Исламабадда јерләшән Пресс Клубун өнүндә һәјата кечирилир.
АБНА: Һазырда аксија иштиракчыларынын сағламлыг вәзијјәти неҹәдир?
- Тәбиики, дурумларыүрәкачандејилдир. Үгмуми зәифлик артыг ҹисмләринә һаким кәсилиб, бир һәфтә өнҹә Әлламә Раҹе Насир Әббас Ҹәфәринин һалы писләшмишдир, мәҹбуријјәт гаршысында ону хәстәханаја апармалы олдулар лакин ики саатдан сонра Әлламә јенидән гајыдараг аксијаја гошулмушдыр.
АБНА: Сизин Пакистан сәрһәдләриндән кәнарда јашајан диҝәр Шиә гардашлардан умаҹағыныз нәдир?
- Умаҹағымыз будур ки, онлар Пакистан Мүсәлман вә Шиә халгларынын вәзијјәтилә мараглансынлар вә баш верән һадисәләр гаршысында имкан дахилиндә сугун галмасынлар, бизә дәстәк олдугларыын елан етсинләр.
АБНА: Сонда әҝәр дејиләси лазым олан мәсәлә варса бујурајдыныз.
- Мәним Тәглид Мәрҹәләриндән, бөјүк алимләрдән, зијалылардан, медиа ишчиләриндән, елм адамларындан аҹизанә истәјим будур ки, бу һагда тез бир заманда өз нәзәрләрини билдирсинләр вә Пакистан шиәләринә вә ејни заманда онларын тәләб етдикләри һүгуги һаггларына дәстәк версинләр. Бәзән белә һисс олунур ки, онлар Пакистанда баш верән һадисәләрә әһәмијјәт вермирләр.
АБНА: Бизим илә мүсаһибәјә вахт ајырдығыныз үчүн дәрин тәшәккүрүмүзү билдиририк.
Диггәт: Хәбәрдән истифадә етдикдә мәнбәјә истинад лазымдыр
