Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн 18 Мај 2016 тарих Һиҹри Гәмәри тарихи илә, 33-ҹү ил, Шабан ајынын 11-и һәзрәт Әли Әкбәрин (әлејһи сәлам) тәвәллүд ҝүнүнә тәсадүф едир. Белә ки, Имам Һүсејнин (әлејһи сәлам) бөјүк оғлу һәзрәти Әли Әкбәр (әлејһи сәлам) Мәдинә шәһәриндә Илаһи Вәһјин назил олдуғу Нүбуввәт вә Имамәт евиндә дүнјаја ҝөз ачыб. Онун атасы һәзрәт Сејјидүш-шүһәда (әлејһи сәлам), анасы, лејла бинти Мәррә Сәгәфи иди.
“Әкбәр” ләгәби она Имам Һүсејнин (әлејһи сәлам) бөјүк оғлу олдуғу үчүн верилиб. Һәзрәти Имам Һүсејнин үч оғлу олуб. Һәр үчүн ады Әли иди лакин онлар ләгәбләри илә бир-бириндән фәргләнирдиләр; Әли Әкбәр, јәни бөјүк Әли дејилир. Әли Әвсәт, Имам Зејнулабидин (әлејһи сәлам) – ортанҹыл Әли вә Әли Әсҝәр (әлејһи сәлам) јәни кичик Әли.
Һәзрәт Әли Әкбәр (әлејһи сәлам), ҝөзәлүзлү бир ҝәнҹ иди. Ҝөрүнүш вә рәфтарда ҹамаат арасында пејғәмбәрә (сәлләллаһу әлејһи вә сәлләм) даһа чох бәнзәрди. Бир ҝүн Мүавијә, өзүнүнү хәлифәлији дөврүндә өз әтрафдакыларындан сорушду: “ Ким хәлифәлијә лајигдир?”
Һамы јалтагҹасына деди: “Сәндән башга бир кәси лајиг ҝөрмүрүк”. Мүавијә деди: “ Јох, белә дејил. Хәлифәлијә Әли ибн Һүсејн (әлејһи сәлам) даһа лајигдир. Чүнки бабасы Рәсулуллаһа (сәлләллаһу әлејһи вә сәлләм) чох бәнзәјир. Онда шүҹаәт, сәхавәт, ҝөзәллијин һамысы вар. (Мүнтәһаүл-әмал, 5-ҹи баб, сәһ. 346)
Мүавијәнин бу сөзүндән белә мәлум олур ки, һәзрәт Әли Әкбәр (әлејһи сәлам), хассә вә аммәнин дилинә дүшмүдү. Дүшмәнин етирафына ҝөрә имамлардан (әлејһи сәлам) башга хәлифәлијә вә имамлыға лајиг тәк шәхсдир. Буну пејғәмәрлик вә вилајәт мәгамынын ән гаты дүшмәни етираф едир ки, Әли Әкбәр үстүн әхлаги кејфијјәтләрә саһиб иди.
Рәвајәтләрә ҝөрә, Әли Әкбәр (әлејһи сәлам) истәр заһирән, истәрсә дә давранышлары вә әхлагы илә Пејғәмбәрә (сәлләллаһу әлејһи вә сәлләм) чох бәнзәјирмиш. Дејиләнләрә әсасән, бу охшарлыг о һәддә чатмышды ки, имам Һүсејнин (әлејһи сәлам) өвлады Кәрбәлада мејдана ҝедәндә дүшмән гошуну сыраларында тәшвиш јараныб: онлар елә һесаб едибләр ки, Пејғәмбәр (сәлләллаһу әлејһи вә сәлләм) өзү мејдана ҝәлир.
Кәрбәлада Имам Һүсејнин (әлејһи сәлам) гардашы Һәзрәт Аббас (әлејһи сәлам) вә оғлу Әли Әкбәр (әлејһи сәлам) гадынлар вә ушагларын мүһафизәсинә рәһбәрлик едир, лазым ҝәләндә сујун гаршысынын дүшмән тәрәфиндән кәсилмәсинә бахмајараг, бөјүк шүҹаәт нүмајиш етдирәрәк, мүһасирәдә оланлара су ҝәтирирдиләр.
Шејх Ҹәфәр Шүштәри,"Хәсаисүл-Һүсејнијјә" китабында јазыр:
Имам Һүсејн (әлејһи сәлам), Әли Әкбәри (әлејһи сәлам) мејдана ҝөндәрәндә гошуна белә хитаб едиб бујурду: "Ҹамаат! Шаһид олун ки, јарадылышда, хасијјәтдә вә мәнтигдә Рәсулуллаһа (сәлләллаһу әлејһи вә сәлләм) ән чох бәнзәјән бир оғланы мејдана ҝөндәрирәм! Билин ки, һәр заман үрәјимиз Пејғәмбәр (сәлләллаһу әлејһи вә сәлләм) үчүн дарыхсајды, онун үзүнә бахардыг!"
Биз АБНА олараг редаксија һејәти тәрәфиндән һәзрәт Әли Әкбәрин (әлејһи сәлам) мөвлудунун илдөнүмү мүнасибәти илә башда Имам Заман (Аллаһ Онун шәрәфли зүһуруну тезләшдирсин) башда олмагла һагг Наиби Имам Хаменеи һәзрәтләринә, Али Тәглид Мәрҹәләринә, бүтүн дүнја мүсәлманларына тәбрик әрз едирик вә ҝәнҹләримизин һәјатларынын һәр анында бу бөјүк шәхсијјәтә бәнзәмәјә сәј ҝөстәрмәләрини Уҹа вә Јенилмәз Аллаһдан тәмәнна едирик!
Диггәт: Хәбәрдән истифадә етдикдә мәнбәјә истинад лазымдыр
