Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сәудијјә Әрәбистанын иранлыларын һәҹҹә езам едилмәси зәмининдә ирәли сүрдүјү чәтин шәртләрдән сонра Али Тәглид Мәрҹәси Ајәтуллаһ Мәкарим Ширази, Ајәтуллаһ Нури Һәмәдани вә Ајәтуллаһ Ҹавади Амили фәтва верибләр.
Мәлумата ҝөрә, Ајәтуллаһ Ҹавади Амули Сәудијјә Әрәбистанын ирәли сүрдүјү чәтин шәртләрә ҝөрә, бу ил иранлы мүстәти шәхсләрә һәҹҹин ваҹиб олмадығыны бәјан едиб.
Ајәтуллаһ Ҹавади Амули дејиб: “Шәриәт бахымындан бу ил мүстәти (имканлы оланлар) оланлара һәҹҹ ваҹиб дејил. Чүнки һәҹҹә ҝетмәјин шәраити баш тутмајыб.”
Бу арада Иранын мәдәнијјәт назири Әли Ҹәннәтини гәбул едән мүҹтәһид Ајәтуллаһ Мәкарим Ширази бу ил һәҹҹ мәрасиминин баш тутмајаҹағыны бәјан едиб.
Сәудијјә Әрәбистанын иранлыларын һәҹҹә ҝетмәси үчүн ирәли сүрдүјү чох чәтин шәртләрә тохунан Ајәтуллаһ Мәкарим Ширази билдириб ки, бу өлкәнин һакимијјәти һаҹылары алчалтмаг истәјир вә белә тәһгиредиҹи һәҹҹин јеринә јетирилмәси ваҹиб дејил.
Мүҹтәһид әлавә едиб ки өзүнү ики мүгәддәс һәрәмин хидмәтчиси һесаб едән Сәудијјә Әрәбистаны бејнәлхалг аренадакы мәғлубијјәтләринин интигамыны һаҹылардан алмаг истәјир.
Ејни мөвгеји Ајәтуллаһ Нури Һәмәдани дә бәјан едиб.
Диггәт: Хәбәрдән истифадә етдикдә мәнбәјә истинад лазымдыр
