Әһли Бејт (әлејһимус сәлам) -АБНА- Хәбәр Аҝентлији- Ишыглы бир ҝеҹәдә мөмүнләрин Әмири, мүвәһһидләрин Мөвласы, Аллаһын јер үзүндә Хәлифә вә Ҹанишин тәјин етдији Имамы һәзрәти Әли (әлејһи сәлам) ҹамаат намазыны гылыб Мәсҹиддән чыхан заман бир дәстә инсанлар онун ардынҹа јола дүшдүләр.
Имам (әлејһи сәлам) онлары ҝөрүб сорушду: Сизләр кимләрсиниз?
Әрз етдиләр: Биз сәнин Шиәләрин вә Давамчыларыныг!
Имам Әли (әлејһи сәлам) онларын сөзүнүн ҹавабында бујурду: Мән сизләрдә Шиәлик нишанәләри ҝөрмүрәм!
Имамын (әлејһи сәлам) архасынҹа ҝәлән дәстә дедиләр: Һәгиги Шиәләрин хүсусијјәтләри нәдир?
Имам Әли (әлејһи сәлам) һәгиги, Шиәләрин хүсусијјәт вә сифәтләрини белә бәјан етди:
1- Шиәләр о кәсләрдир ки, ҝеҹә Аллаһа ибадәт етмәк нәтиҹәсиндә рәнҝләри саралмыш вә зәиф бәдәнләри вардыр.
2- Шиәләр о кәсләрдир ки, Аллаһдан узаг дүшмәк вә еләҹә дә ҹәһәннәм әзабындан горхмаг сәбәбиндән ағлајар вә ҝөзләриндә гәмҝинлик ҝөрсәнәр.
3- Шиәләри о кәсләрдирләр ки, оруҹ тутмаг сәбәбиндән гарынлары нәзикләнмишдир.
4- Шиәләр о кәсләрдир ки, Аллаһа руку етмәк сәбәбиндән белләри әјилмиш ҝөрсәнәр вә Аллаһа чох сәҹдә нәтиҹәсиндә алынларында нишанәләр јаранар.
5- Шиәләр о кәсләрдир ки, чох дуа етмәк сәбәбиндән додаглары гурујар (додагларында чартлаглыг јаранар). Бунлардыр һәгиги Шиәләрин нишанәләридир!!!
(Сизләрдә бу сифәтләр варса сизләр Әһли-бејт ашиги вә онларын јолуну давам едәнләрсиниз?!).
Еһгагул-һәгг китабы, ҹилд: 12, сәһ: 424
Диггәт: Хәбәрдән истифадә етдикдә мәнбәјә истинад лазымдыр
