Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислами Тәләбә Дәрнәкләринин нүмајәндәләри Үмүмдүнја Мүсәлманларынын Али Лидери Ајәтуллаһ Сејјид Әли Хаменеи илә ҝөрүшүб.
Ајәтуллаһ Хаменеи нүмајәндәләрә вердији төвсијәләрдә 3 мәнәви ајын ҝәлмәсинә тохунараг; "Бу үч ај мәнәвијјатын јазыдыр вә сизләр дә өмрүнүзүн баһарыны јашајырсыныз. Аллаһы зикр етмәк, дуа охумаг, Гуран тилавәт етмәк, намазларынызы илк вахтында гылыб, ҝүнаһлардан узаг олуб, јахшы әхлага саһиб олмагла өзүнүздә мәнәвијјаты јүксәлдин", -дејә сөјләјиб.
Али Лидер бәзи дөвләтләрин Иран Ислам Республикасына гаршы чыхмасынын сәбәбинин нүвә кими чох һәссас мәсәләдә ИИР-ын уғур газанмасынын олдуғуна тохунараг сөзләринә белә давам едиб: "Онлара үз версәк, сабаһ био-техника нано-технолоҝијалар вә башга елми мәсәләләрдә дә ојун чыхарыб бизә мане олаҹаглар."
Һизбуллаһын бәзи бөлҝә өлкәләри тәрәфиндән террорчу елан едилмәсинә ишарә едән Имам Хаменеи Ливанын "Һизбуллаһ" һәрәкаты әлејһинә апарылан тәблиғат вә әмәли ишләрин пуча чыхдығыны билдирәрәк белә дејиб: "Фәсадчы, башгаларына бағлы, ичи бош вә чүрүмүш бир дөвләт нефт пулу вә доллар ҝүҹүнә әсасланараг вердији бәјаннамәдә "Һизбуллаһ"ы ҝүнаһландырыр. Ҹәһәннәмә! Нә әһәмијјәти вар бунун? "Һизбуллаһ" вә онун ҝәнҹләри ҝүнәш кими парылдајыр вә онлар Ислам дүнјасынын фәхридирләр."
Ајәтуллаһ Хаменеи АБШ-а гаршы мәдәни мүһарибәдә ҝәнҹләрин нә гәдәр әһәмијјәтли рола саһиб олдугларыны гејд едәрәк, "Ҝәнҹләр мөвзусунда Иран Ислам Республикасы илә Америка вә сионистләр арасында ҝенишмигјаслы сојуг мүһарибә ҝедир. Бизим бәјәндијимиз ҝәнҹләрлә дүшмәнин бәјәндији ҝәнҹләр фәрглидир. Америкалылар бизим ҝәнҹләрин ҹәсарәтсиз, мотивасијасыз, үмидсиз, һәрәкәтсиз, фикри вә физики ҝүҹү олмајан инсан олмасыны истәјирләр. Онлар ҝәнҹләримизин дүшмәнләрә хош, командирләринә вә дөвләтләринә пис нәзәрлә бахмаларыны арзу едирләр."
Диггәт: Хәбәрдән истифадә етдикдә мәнбәјә истинад лазымдыр
