Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мисир Хариҹи Ишләр Назирлији ишғалчы Исраилин Баш назири Бенјамин Нетанјаһунун Ҹоалан Тәпәләри барәдә сон чыхышыны писләјиб.
Назирликдән белә ачыглама верилиб: "Онун сөзләри БМТ Тәһлүкәсизлик Шурасынын гәтнамәләри вә бејнәлхалг ганунларын ачыг шәкилдә позулмасы демәкдир".
Мисир Хариҹи Ишләр Назирлији Ҹоалан Тәпәләринин Суријанын ајрылмаз һиссәси олдуғуну вә ҝеҹ-тез ишғалдан азад олунаҹағыны гејд едиб.
Хатырладаг ки, ишғалчы Исраилин Баш назири Бенјамин Нетанјаһу һөкумәт гурулушунун биринҹи илдөнүмү мүнасибәтилә һәфтәлик кабинет јығынҹағында Ҹоалан тәпәләринин сонадәк Исраилин әлиндә галаҹағыны демишди.
Гејд едәк ки, сионист Исраил режими 1967-ҹи илдә Суријанын әразиси сајылан Ҹоалан Тәпәләрини ишғал едиб.
Диггәт: Хәбәрдән истифадә етдикдә мәнбәјә истинад лазымдыр
