Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ливан Һизбуллаһ Мүгавимәт Һәракары ганунсуз исраил режимин ики ҝүн өнҹә илк дәфә һәфтәлик кабинет иҹласыны Ҹоалан тәпәләриндә кечирмәсини тәнгид едиб.
Һизбуллаһ тәрәфиндән јајымланан јазылы ачыгламада, Исраил һөкумәтинин атдығы бу аддым "тәрбијәсизлик" кими дәјәрләндирилиб.
Ачыгламада режимин баш назир Бинјамин Нетанјаһунун вердији бәјанатлар писләнәнәрк, бунун Ислам үммәтинин һаггына едилмиш бир тәҹавүз олдуғу билдирилиб.
Һизбуллаһ ишғалчы исраил режими тәрәфиндән атылан бу аддымын сионистләрин Суријанын дахили ишләринә мүдахилә етмәк вә өлкәни парчаламаг ишинин ҝөстәриҹиси олдуғуну гејд едиб.
Ачыгламада бәзи Әрәб өлкәләринин фитнә тохумлары әкәрәк вә терроризмә мадди, һәрби дәстәк ҝөстәрәрәк Исраилин марагларына хидмәт етдији бир дөврдә, Әрәб Бирлијинин вә Әрәб өлкәләринин Исраилин бу һәрәкәтинә гаршы давранышынын нә мәна вердији суал едилиб.
Гејд едәк ки, Нетанјаһу кабинетин јаранмасынын биринҹи илдөнүмү мүнасибәтилә дүнән илк дәфә Һолан тәпәләриндә кечирилән һөкумәт топлантысында, бејнәлхалг ҹәмијјәтин, "Исраилин Ҹоалан тәпәләри үзәриндәки суверенлијини" танымағын вахты ҝәлдијини билдирәрәк, "Исраил Ҹоалан тәпәләрини әбәди әлиндә сахлајаҹаг" сөјләмишди.
Хатырладаг ки, Һолан тәпәләри 1967-ҹи илин ијунунда "Алты Ҝүнлүк мүһарибә" кими танынан Әрәб-Исраил мүһарибәсинин битмәсилә сионист режимин ишғалы алтына дүшмүшдү. Ганунсуз исраил режими 1981-ҹи илдә Ҹоаланын әлә кечирдији һиссәләрини мүхтәлиф бејнәлхалг гәтнамәләрә бахмајараг, биртәрәфли олараг илһаг етмишди.
Диггәт: Хәбәрдән истифадә етдикдә мәнбәјә истинад лазымдыр
