Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бир нечә ҝүн өнҹә Астара рајонунун Шијәкәран кәнд гәбиристанлығында 20-дәк гәбирин башдашы сындырылараг јарарсыз вәзијјәтә салыныб.
Һадисә ҝеҹә саатларында төрәдилиб. Сакинләр ҝүндүз гәбиристанлыға дахил оларкән дәһшәтли мәнзәрәнин шаһиди олублар. Һадисә барәдә дәрһал рајонун һүгуг-мүһафизә органларына мәлумат верилиб. Кәндә ҝәлән полис әмәкдашлары илкин арашдырмалардан сонра ики нәфәр сәләфи әгидәсини дашыјан јерли сакини шүбһәли шәхс гисминдә сахлајыблар.
Гејд едәк ки, сәләфиләрин Талыш бөлҝәсиндә әсас јығышдыглары кәнд Тәнҝәрүд кәндинин олдуғу дејилир.
Хачмазын Јалама гәсәбәсиндә исә, гәдим тарихә малик Пир јандырылараг јарарсыз вәзијјәтә дүшүб.
Белә ки, дүнән Хачмаз рајону Јалама гәсәбәсиндә "Молла Әһмәд Пири" адлы түрбә јандырылыб. Јанғына вахтында мүдахилә едилмәдијинә ҝөрә, түрбә јарарсыз һала дүшүб. Јерли диндарлар јанғынын гәсдән төрәдилдијини истисна етмирләр. Чүнки, бу бөлҝәләрдә вәһһабиләрин әсас һәдәфләри мәһз, түрбә вә гәбирләрдир. Мәлумата ҝөрә, бу јанғын артыг икинҹи фактдыр ки, бундан өнҹә дә пирләрин бириндә јанғын баш вермишди.
Диггәт: Хәбәрдән истифадә етдикдә мәнбәјә истинад лазымдыр
