Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Һади ләгәби илә мәшһур олан Имам Әлијјән-Нәги (әлејһи сәлам) һиҹри-гәмәри 212-ҹи ил, зилһәҹҹә ајынын 15-дә (милади тарихи илә, 829-ҹу илдә) Мәдинә јахынлығындакы Сурәјја адлы мәнтәгәдә дүнјаја ҝөз ачыб. Атасы Имам Ҹавад (әлејһи сәлам), анасы исә тәгвалы вә фәзиләтли кәниз Сәманә (әлејһа сәлам) ханым иди.
Сәккиз Јашлы Имам
Һәзрәт (әлејһи сәлам) һиҹри 220-ҹи илдә атасынын шәһадәтиндән сонра сәккиз јашында икән Имамлыг мәгамына чатды. Ушаг олмасына бахмајараг Зәкасы, Тәгвасы, Әхлагы вә Елми илә бүтүн Шиәләрин диггәтини өзүнә ҹәлб етди. Белә ки, Аббаси хәлифәләри ондан чох чәкинир вә ону мүхтәлиф јерләрә сүрҝүнә ҝөндәрирдиләр.
Шиә Ҹәмијјәтиндәки Нүмајәндәләр Шәбәкәсинин Ҝенишләндирилмәси
Мүтәвәккил Имам Һадини (әлејһи сәлам) Мәдинәдән Самирраја ҝәтирди вә Имам өмрүнүн ахырына гәдәр орада галды. Имам Әлијјән-Нәги (ә) Самирра шәһәриндә ҹидди нәзарәт алтында олмасына бахмајараг, залымларла әсла сазиш етмирди. Елә бу вә диҝәр сәбәбләрдән дә, Онунҹу Имам һәзрәт Һади (әлејһи сәлам) Шиә ҹәмијјәтиндә нүмајәндәләр шәбәкәсини иҹад едәрәк ҝенишлкәндирмәјә башлајыр вә бу тәриглә Исламын һәгигәтләрини ҹәмијјәт арасында ҝенишләндирир вә Шиә ҹәмијјәтини тәдриҹән мүстәгил формада Китаб (Гурани Кәрим) вә Сүннәјә ујғун олараг аддымлар атмағына имкан јарадыр.
Имам Һагг Уғрунда Шәһид Едилди
Имамын Илаһи бир шәхсијјәт олмасы, онун иҹтимаи мөвгеји вә еләҹә дә, хәлифәләрлә һәмкарлыг етмәјиб онлара гаршы апардығы мүбаризә о дөврүн гәсибкар һөкумәти үчүн дөзүләси дејилди. Онлар даима бу мәсәләдән нараһат идиләр. Ахырда јеҝанә чыхыш јолуну Аллаһ нуруну сөндүрмәкдә ҝөрүб Имам Әлијјән-Нәгини (әлејһис сәлам) өлдүрмәк фикринә дүшдүләр. Беләликлә, о Һәзрәт дә өзүндән габагкы Имамлар кими тәбии өлүмлә дејил, гәсибкар “хәлифә” Мөтәззин һакимијјәти дөврүндә зәһәрләнәрәк һиҹри тарихи илә 254-ҹү илдә Мүгәддәс Рәҹәб ајында Шәһид олур вә Самирра шәһәриндә өз евиндә дәфн едилир.
Диггәт: Хәбәрдән истифадә етдикдә мәнбәјә истинад лазымдыр
