Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ираг силаһлы гүввәләри тәдриҹән Әнбар әјаләтини ИШИД-ин ишғалы алтындан азад едә билирләр. Кубејс шәһәриндә ИШИД-ин чохлу гүввәтләндирилмиш мөвгеләринин олмасына бахмајараг, Ираг ордусу гыса заман чәрчивәсиндә шәһәри азад едә билиб. Дүшмән хејли итки вериб.
Кубејс шәһәри өлкәнин гәрбиндә, әр-Рамади шәһәрәриндән 60 километр узаглыгда јерләшир. Шәһәрин һәр јериндә ганлы дөјүшләрин изләринә раст ҝәлмәк олар. Һазырда шәһәр истеһкамчылар тәрәфиндән миналардан тәмизләнир ки, тез бир заман әрзиндә шәһәрдән гачмыш динҹ әһали ҝеријә - өз евләринә дөнә билсинләр. Һәрбчиләр басдырылмыш чох сајда силаһ-сурсат арсеналы ашкар едиб.
“Хошбәхтликдән, ордумуз бизи бу ләнәтә ҝәлмиш террорчуларын әсарәтиндән хилас етди. Үмид едирәм ки, артыг шәһәримиздә сүлһ олаҹаг! Биз өз хиласкарларымызы саламлајырыг! Онлар ән ҝөзәл тәрифләрә лајигдирләр!” – дејә Мәһәммәд Аиш адлы шәһәр сакини билдириб.
Шәһәр мәркәзинин балаҹа олмасына бахмајараг, шәһәрин үмуми саһәси 400 км2дир. Шәһәрин азад едилмәси орду үчүн стратежи әһәмијјәтә саһибдир. Беләликлә, орду ИШИД-ин тәҹһизат јолунун гаршысыны алыб.
Диггәт: Хәбәрдән истифадә етдикдә мәнбәјә истинад лазымдыр
