Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасы ишғалчы Ермәнистан силаһлы бөлмәләринин бу өлкә әразиләринә атдығы мәрмиләрдән сонра сәрһәд гүввәләрини там һазырлыг вәзијјәтинә ҝәтириб.
Сон ҝүнләр баш верәнләрлә бағлы ИИР-Азәрбајҹан сәрһәдинә бахыш кечирилдијини билдирән Ислам Республикасынын Сәрһәд Гошунларынын команданы, ҝенерал-мајор Гасым Рзаји гејд едиб ки, топ мәрмиләринин өлкә әразисинә дүшмәси илә әлагәдар мүнагишә тәрәфләринә хәбәрдарлыг едилиб.
Ҝенерал Гасим Рзаји даһа сонра журналистләрә вердији ачыгламасында билдириб: “Иран Ислам Республикасынын Ермәнистан вә Азәрбајҹанла сәрһәдләри там тәһлүкәсиздир. Үмид едирик ки, тәрәфләр арасында сүлһ разылығы әлдә олунаҹаг вә проблемләр һәллини тапаҹаг”.
Диггәт: Хәбәрдән истифадә етдикдә мәнбәјә истинад лазымдыр
