Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын Ислам Шурасы Мәҹлисинин- парламентин Әрдәбил шәһәри үзрә депутаты Мәнсур Һәгигәтпур Үмүдүнја Мүсәлманларынын Али Рәһбәри Ајәтуллаһ Хамнејинин ишғал олунмуш Гарабағла бағлы фәтва вердијини бәјан едиб.
Депутат бу барәдә “Сәһәр” ТВ-јә мүсаһибәси заманы билдириб: “Ермәнистанла Азәрбајҹан арасында савашла бағлы биз Ајәтуллаһ Хаменеијә мүраҹиәт етдик ки, ермәниләр Гарабағы тутублар. Вәзифә нәдир? О Һәзрәт исә бујурмушдур ки, Гарабағ Ислам торпағыдыр вә һәр кәс оранын азадлығы уғрунда вә гејри-мүсәлманларын ора һөкмран олмағына гаршы һәрәкәтдә ҹаныны итирсә, Шәһид һесаб олунур”.
Әрдәбилли депутат вурғулајыб ки, онлар Иран парламентиндә Гарабағы вә оранын Азәрбајҹана, Ислама аид олмасыны мөһкәм мүдафиә едәҹәкләр: “Биз ермәниләрин вә јәһудиләрин Гарабағдакы һәрәкәтләрини гәтијјәтлә писләјирик. Әҹнәбиләр ҝәлиб Гарабағда сечки кечириб, ону мүшаһидә едирләр ки, буранын Азәрбајҹана вә Ислам торпағына аид олмасы јаддан чыхарылсын. Амма вурғуламалыјам ки, нә гәдәр заман кечсә дә, нә гәдәр ил өтсә дә, бу һәгигәти јаддан чыхармајаҹағыг ки, Гарабағ Ислам торпағыдыр. Гарабағы мүсәлман Азәрбајҹан халгы азад едәҹәк”.
Диггәт: Хәбәрдән истифадә етдикдә мәнбәјә истинад лазымдыр
