Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Апрелин 3-дә Азәрбајҹанын мүдафиә назири ҝенерал-полковник Закир Һәсәнов Иран Ислам Республикасынын Мүдафиә вә Силаһлы Гүввәләрә дәстәк назири ҝенерал-мајор Һүсејн Деһган илә гошунларын тәмас хәттиндә јаранмыш ҝәрҝинлији телефон васитәсилә мүзакирә едибләр.
Данышыглар заманы, ҝенерал-мајор Һ.Деһган Иран Ислам Республикасынын Азәрбајҹанын әрази бүтөвлүјүнү таныдығыны бир даһа гејд едәрәк Ермәнистан-Азәрбајҹан, Дағлыг Гарабағ мүнагишәсинин гыса мүддәт әрзиндә бејнәлхалг һүгуг нормалары әсасында һәлл олунаҹағына үмид етдијини билдириб.
О, ИИР-ын Азәрбајҹан тәрәфинә мүнагишәнин һәлл олунмасы истигамәтиндә јардым вә дәстәјини тәклиф едиб.
Ҝенерал-полковник Закир Һәсәнов дәстәјә ҝөрә миннәтдарлығыны ифадә едиб.
Диггәт: Хәбәрдән истифадә етдикдә мәнбәјә истинад лазымдыр
