Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Теһранын бу һәфтәки ҹүмә хәтиби Ајәтуллаһ Муһәммәд Имам Кашани олуб.
О, Ҹүмә Намазларынын хүтбәләриндә Өмәр бин Һәнзәләнин мәсумлардан рәвајәт етдији һәдисинә тохунараг билдириб: “Мәсум имамын заманы һакимијјәт имама, гејбәт дөврүндә исә фәгиһә мәхсусдур. Мәсумун сөзүнә ҝөрә, һансыса сөзү әмр етдији заман гәбул етмәли вә үз чевирмәмәлијик. Имам Рзанын (ә) сөзүнә әсасән, Аллаһын әһкамы рәһбәр тәрәфиндән идарә олунмалыдыр вә рәһбәр фәсад әһли олса Илаһи әһкам арадан ҝедәҹәкдир. Буна ҝөрә, өлкәнин һакими адил вә һалалы һарамдан таныјан бири олмалыдыр ки, бу да фәгиһдән башга бири дејилдир".
Имам ҹүмә даһа сонра "Бу ҝүн дүнјаја нәзәр салын. Өлкәләрин рәһбәрләри халгларына зүлм едир вә диҝәр тәрәфдән дә халгын рифаһыны дүшүнүрүк дејәрәк милли сәрвәтләри истисмар едирләр. Бир дә Ирана бахын. Ингилабдан бу јана рәһбәримиз һеч бир өлкәјә зүлм етмәјиб. Дүнја нә гәдәр дә инкар едәрсә бу һәгигәти билир", - дејә билдириб.
Ајәтуллаһ Имами Кашани Ислам Ингилабынын рәһбәри Ајәтуллаһ Хаменеинин сон ҝөрүшү заманы бәзи мүһүм мәсәләләрә тохундуғуну билдирәрәк дејиб: "Ајәтуллаһ Хаменеи сон ҝөрүшүндә бизә деди ки, мәндән сонра сечиләҹәк рәһбәрин сечиминдә чох диггәтли олун. О ингилаба, милләтә вә елми инкишафа бағлы олмалыдыр”.
Имам ҹүмә бәзиләринин Иранын ракет тәҹрүбәләриндән нараһат олдуғуна тохунараг: “Иран өз тәһлүкәсизлијиндән вазмы кечмәлидир? Әтрафымыз дүшмәнлә долудур. Дүшмәнимиз әлејһимизә програм ҹызмырмы? Онлар бу ҝүнәдәк бизә һүҹум едә билмәјибләр, чүнки өлкәмиз елми ҹәһәтдән инкишаф етмиш вә шүҹаәтли ҹаванларымыз буна мане олмушдур. Иран Ислам Республикасы бу ҝүн дә, өз сүлһмәрамлы фәалијјәтини сүбут етмишдир. Сон разылыг да буну ҝөстәрди ки, өлкәмиз мүзакирә әһлидир, лакин ејни һалда өз тәһлүкәсизлијини дә горумаг нијјәтиндәдир. Бу сәбәбдән мүдафиә васитәләринә саһиб олмалыдыр. Дүшмән өлкәмизә гаршы дишләрини итиләјир, лакин бизим дәниз гүввәләримиз өлкәнин мүдафиәси үчүн ҝүҹлү систем әрмәған ҝәтирди.”
Гејд едәк ки, бәзи КИВ-дә Ајәтуллаһ Хаменеинин "Хобраган"а өзүндән сонра варис сечилмәси үчүн мүраҹиәт етмә хәбәрләри һәгигәти әкс етдирмир. Иранда рәһбәрлик мәгамы анҹаг рәһбәрлик мәгамында олан шәхсин өлүмү вә ја һансыса гејри-ади һадисә заманы сечкилә мүәјјән едилир.
Диггәт: Хәбәрдән истифадә етдикдә мәнбәјә истинад лазымдыр
