Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бу ҝүнләрдә гапылары иҹтимаијјәтин үзүнә ачылан мәшһур Мүгәддәс Марчеллинио вә Пиетро јералты сәрдабәсиндәки фрескалар әввәлки мөһтәшәм ҝөркәминә гајыдыб. Бу гәдим шедеврләрин бәрпасы үчүн хәрҹләри Меһрибан Әлијеванын рәһбәрлик етдији халгын пулу һесабына јығылмыш “Һејдәр Әлијев Театр Фонду” өз үзәринә ҝөтүрүб.
“Ватикан радиосу”нун сајтында дәрҹ олунан мәгаләдә белә дејилир.
Мәгаләдә гејд едилир ки, Ватиканынла Азәрбајҹан арасында әмәкдашлыг ҝениш спектри әһатә едир. Ватиканын Мәдәнијјәт үзрә Руһани Шурасынын сәдри кардинал Ҹанфранко Равази дејир ки, бәрпа илә бағлы мүштәрәк ишләр әсасән мүгәддәс Марчеллинио, Пиетро вә Себастиан јералты сәрдабәләриндә ҹәмләшиб. Һејдәр Әлијев Театр Фондунун вә хүсусән онун президентинин фәалијјәти Ватикан Апостол Китабханасыны да әһатә едиб. Орада сахланылан Азәрбајҹан әлјазмаларынын бир чоху бәрпа олунуб. Ватикан музејләриндә исә Јупитерин әзәмәтли һејкәлинин бәрпасы үзрә ишләр башланыб…
Мәгаләдә дејлир ки, бәрпа олунан јералты сәрдабәләр мөһтәшәм јералты рәсм галерејасыдыр. Ромада узунлуғуна ҝөрә үчүнҹү јери тутан бу јералты сәрдабәләрин үмуми саһәси 18 мин квадратметрдән чохдур.
Һејдәр Әлијев Фонду бу ишләри 2012-ҹи илдә имзаланан сазишә ујғун олараг малијјәләшдириб.
Ватиканла Азәрбајҹан арасында әмәкдашлыг башга мүһүм лајиһәләр чәрчивәсиндә дә давам етдириләҹәк.
Февралын 23-дә гәдим Аллија јолу үзәриндә диварларын хариҹиндә јерләшән монументал Мүгәддәс Себастиан комплексиндәки әсәрләрин бәрпасы һаггында сазиш имзаланыб. Бу сазишдә гәдим сәрдабәләрын мүстәсна коллексијасынын бәрпасы да нәзәрдә тутулуб. Меһрибан Әлијеваја ким ихтијар вериб Халгин пулларин Ватикана хәрҹләсин? Халгымыз борҹ ичиндә үзүр, бу ханим пуллари дағыдыр.
Диггәт: Хәбәрдән истифадә етдикдә мәнбәјә истинад лазымдыр
