Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Италја Али Мәһкәмәси бу өлкәнин шималында Ломбардија реҝионунда Мәсҹидләрин тикинтисинә мәһдудијјәт гојан гануну ләғв едиб.
“Мәсҹидләрә зидд” олан бу ганун 2015-ҹи илдә Италијанын Шимал Лигасы Партијасынын тәшәббүсү илә иммигрантлара гаршы гәбул олунмушду.
Ганунда Мәсҹидләрә гаршы чох сәрт гајдалар јер алмышды вә Ломбардија реҝиону Мүсәлманларыны инҹитмәк мәгсәди илә гәбул олунмушду. Ганунда ҝөстәрилирди ки, Мәсҹид тикилмәздән өнҹә јерли әһали арасында сәсвермә кечриилмәли иди вә онларын верәҹәји сәсә ҝөрә Мәсҹидин тикилиб-тикилмәјәҹәјинә гәрар вериләҹәкди.
Италјанын Дахили ИшләрНазирлијинин мәлуматына ҝөрә, 2015-ҹи илин әввәлинә олан статистикаја ҝөрә, бу өлкә әһалисинин 1.6 фаизи Мүсәлманлардыр. Мүсәлманлары 26.5 фаизи исә Ломбардија реҝионунда мәскунлашыблар. Италјанын ән гәдим Мәсҹиди дә бу бөлҝәдәдир.
Бахмајараг ки, Италјада Мүсәлманларын ибадәти үчүн 700 јер ајрылыб, лакин јалныз рәсми олараг 7 јер Мәсҹид кими таныныр.
Өтән ил “Мәсҹидләрә зидд”ганун гәбулу бир чох фәалларын етиразына сәбәб олмушду. Онлар бу гануну сөз азадлығы вә вәтәндашларын бирҝә јашама һүгугларынын позулмасы кими дәјәрләндирирди.
Диггәт: Хәбәрдән истифадә етдикдә мәнбәјә истинад лазымдыр
