Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн АНС ТВ-нин “Һесабат” верилишиндә Мир Шаһинин гонағы Иранын Азәрбјаҹандакы сәфири Мөһсүн Пак Ајин олуб. Иранын ики нәһәнҝ гоншу өлкә Русија вә Түркијә мүнасибәтләри һаггында данышан сәфир ики өлкә арасында вәзијјәтин ҝәрҝинләшмәсиндән данышыб.
Онун сөзләринә ҝөрә, Түркијә вә Русија Ирана јахын вә дост өлкәдир. Вә һәр ики өлкә реҝионда тәһлүкәсизлијин гејдинә галмалыдыр. Тәһлүкәсизлијин тәмин олунмасы илә бағлы әсас мәсәлә терроризмлә мүбаризәдир.Јәни реҝиондакы бүтүн өлкәләр әзмлә террорчуларла мүбаризә апармалыдыр
Сәфир билдириб ки, Түркијә вә Русија терроризмлә мүбаризәдә бирләшмәлидирләр. Реҝиондакы диҝәр өлкәләрә дә јардым ҝөстәрмәклә мүбаризәјә гатылмалыдырлар. Реҝионда сабитлији бәргәрар етмәлидирләр ки, бөлҝәдә игтисади инкишаф баш версин. Она ҝөрәдә ики өлкә бу мәсләләри сәбрлә һәлл етмәлидир.
"Биз Суријанын әрази бүтөвлүјүнүн, һакимијјәтинин вә суверенлијинин тәрәфдарыјыг. Ејни илә дә Ирагын. Биз Ирагын бөлүнмәсинә јол вермәмәлијик. Һәм Ирагда һәм дә Суријада бу ҝүн гануни һакимијјәт, гануни дөвләт һакимијјәтдәдир. Һәр һансы өлкә бу өлкәләрин дахилиндә террорла мүбаризә апармаг истәјисә һөкмән бу өлкәләрин һакимијјәти илә разылашдырылмалыдыр," - дејә сәфир вурғулајыб.
Диггәт: Хәбәрдән истифадә етдикдә мәнбәјә истинад лазымдыр
