Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Һиҹри Шәмси тарихи илә, 22 Бәһмән (милад тарихи илә 11 Феврал) Ислам Ингилабынын тағут режими үзәриндә Гәләбә чалмасынын 37-ҹи ил дөнүмү ҝүнүдүр.
Үмүмдүнја Әһли Бејт (әлејһимус сәлам) Ассамблејасы бу Бөјүк вә Әзәмәтли Ҝүн мүнасибәти илә, Бәјанат вериб.
Бәјанатда дејилир:
Илаһи ирадә 1357-ҹи илдә (милад тарихи илә 1979-ҹу ил), сојуг гыш ајларында, Аллаһ дејиб исрар едән кәсләри горху вә һүркүдән узаг едәрәк, Бөјүк Һидајәт мәсулијјәтини вә салеһ вә мөмүн бәндәләрин һакимлијини онлара верди. Бәли Иран Ислам Ингилабы Гурани Кәримин бу ајәсинин « Шүбһәсиз: “Рәббимиз Аллаһдыр!” – дејән, сонра да (сөзүндә) дүз олан кәсләрә (өлүм ајағында) мәләкләр назил олуб (белә дејәҹәкләр): “Горхмајын вә кәдәрләнмәјин! Сизә вәд олунан Ҹәннәтлә севинин!» (Фуссиләт сурәси ајә 30) ачыг бир нүмунәсидир.
Иран Ислам Ингилабы, бәшәријјәт тарихиндә кәнарда галмыш Илаһи Әхлаг вә Мәрифәтин инсан ҹәмијјәтиндә тәзаһүр тапмасына сәбәб олду. Фәдакарлыг, Шәһадәт, Ихлас, Иззәт вә бу кими дәјәрләр Ислам Ингилабындан сонра Иран Халгында тәҹәлли етди. Халг, Бөјүк Ислам Ингилабынын Баниси Имам Хомејни (ризвануллаһи тәала) һәзрәтләринә табе олараг ону өзләринә рәһбәр тәјин етдиләр. Вә ону сидг гәлблә Имам Заман (Аллаһ шәрәфли зүһурун тезләшдирсин) һәзрәтләринин ҹанишини гәбул етдиләр. Буна ҝөрә дә, Имам Хомејни Иран халгыны Исламын илкин ҝүнләриндә олан ҹәмијјәтдән үстүн һесаб едирди...
Ислам Ингилабы Нур партлајышы иди ки, тәкҹә Иран Республикасында дејил өлкә хариҹинә дә јајылды. Дүнја Мүстәзәфләри вә Азадә инсанларынын гәлбинә һопду. Бу ҝүн дүнјанын бүтүн бөлҝәләриндә Хомејни Өвладларына раст ҝәлмәк олур ки, ән аз имканат илә, Имамәт вә Әһли Бејт (әлејһимус сәлам) Мәктәбини дүнјанын ән уҹгар нөгтәсиндә ҝениш тәблиғ едирләр...
Ислам Ингилабынын 4-ҹү он иллији артыг баша чатмамыш бүтүн дүнја истикбарчыларыны өзүнүн әлдә етдији налијјәтләр, инкишаф вә сивлизасијасы илә һејрәтә салараг мат-мәтәл гојмушдур. Иран Халгы өзүнә ҝүвәнәрәк “Биз Баҹараҹағыг!” шүары илә бүтүн аләмә сүбут етди ки, мәһз Әзәли вә Әбәди Гүдрәт саһиби олан Аллаһа инаныб тәвәккүл едәрәк бу јолда мүгавимәт ҝөстәрмәклә Гәләбәјә наил олмаг олар.
Үмүмдүнја Әһли Бејт (әлејһимус сәлам) Ассамблејасы Ислам Ингиалбынын 37-ҹи ил дөнүмү мүнасибәти илә, бу јолда зәһмәт чәкмиш Даһи Рәһбәр Имам Хомејни һәзрәтләри вә Ингилаб Шәһидләрини јад едәрәк, 22 Бәһмән јүрүшүндә бир даһа Ислам Ингилабынын, Имам Хомејни һәзәтләринин дәјәрләри илә биәт едир. Үмүмдүнја Әһли Бејт (әлејһимус сәлам) Ассамблејасы инаныр ки, Али Рәһбәрин (Ајәтуллаһ Хаменеинин) сајәсиндә Ислам Ингилабынын мадди вә мәнәви налијјәтләри бундан даһа да артыг олаҹагдыр.
Үмүмдүнја Әһли Бејт (ә) Ассамблејасы
20 Бәһмән, 1394-ҹү ил. (11. 02. 2016)
Диггәт: Хәбәрдән истифадә етдикдә мәнбәјә истинад лазымдыр
