Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Түркијәнин нүфузлу “Јени Шафак” гәзети Фәтуллаһ Ҝүләнин лидерлик етдији Паралел Дөвләт Террор Шәбәкәсинин Азәрбајҹандакы јени тактикасы барәдә мараглы мәгалә јајынлајыб.
Гәзет Шәбәкәнин постсовет республикалары үзрә имамларыны Азәрбајҹандакы мәктәбләринин мәзунлары арасындан сечиб јерләшдирдијини јазыр. Бу имамлар исә дөвләтин бүрократик системинә систематик олараг сызыр.
Гәзет јазыр ки, шәбәкә Түркијә-Русија мүнасибәтләри, Түрк-Ҝүрҹү мәдәни әлагәләри ады алтында дәрнәкләр, јахуд ГҺТ-ләр гурур. Даһа сонра өнәмли дөвләт структурларына өз адамларыны јерләшдирир. “Фәтуллаһ Ҝүләнин хариҹдә ачдығы илк университет олан Гафгаз Университетиндән мәзун оланлар арасындан сечилән имамлар Азәрбајҹан дөвләтинин өнәмли структурларында аҝентләрини јерләшдирмәк үчүн стратежи ниҝаһлара ҝирирләр”.
Билдирилир ки, шәбәкә Русија, Украјна, Ҝүрҹүстан, Газахыстан вә Түркмәнистан кими өлкәләрә Азәрбајҹанда јетишдирдикләри имамлардан тәјин едирләр. Дәрнәкләр гуруб сонра дөвләт системинә сызмаға чалышырлар. “Паралел Шәбәкәнин Азәрбајҹан голунун мәнсублары стратежи евлиликләрә ҝирәрәк мүһүм постлар тутан шәхсләрлә мүнасибәтләрини ҝүҹләндирирләр. Имам олараг сечилән шәхсләр сијасәтдә өнәмли мөвге тутан шәхсин гызы, јахуд һәјат јолдашы вәфат едән бири илә евләнәрәк гоһумлуг бағлары гурур”, дејә, гәзет јазыр.
“Јени Шафак” Түркијәдә Фәтуллаһ Ҝүлән Шәбәкәси илә мүбаризә башлајанда Азәрбајҹан һөкумәтинин дә өз өлкәсиндә бу террорчу групла мүбаризәјә башладығыны, фәгәт шәбәкәнин Азәрбајҹанда фәалијјәт ҝөстәрән “Чағ Өјрәтим” мәктәбләри бағланса да ајры ад алтында јенидән ачылдығыны гејд едиб:“Бағланан мәктәбләрин јериндә “Истәк Литсејләри” ачылыб. Садәҹә ад лөвһәләринин дәјишдији бу мәктәбләрдәки мүәллим кадрларынын әксәријјәти јенә дә һәмин адамлардыр”.
Ҝөрүндүјү кими, Азәрбајҹанда бәзи мәмурлар өз шәхси мәнафеләри үчүн фәтуллаһчылары горусалар вә ҝөрүнүшдә ҝуја онлара гаршы мүбаризә апарылдығы фону јарадылса да, Түркијә һәр шејин фәргиндәдир. Нәзәрә алсаг ки, “Јени Шафак” бирбаша президент Әрдоғана јахындыр, бу месажын кимдән ҝәлдијини билмәк о гәдәр дә чәтин дејил.
Диггәт: Хәбәрдән истифадә етдикдә мәнбәјә истинад лазымдыр
