Әһли Бејт (әлејһимус сәлам) -АБНА- Хәбәр Аҝентлији- Шүбһәсиз ки, Ислма Дини бәшәријјәтин бүтүн еһтијаҹларыны өдәјә биләҹ бир диндир. Инсанын ибади, сијаси, игтисади, иҹтимаи, аилә вә һәтта фәрди мәсәләләринә диггәт јетирән вә бунларын дүзҝүн һәјата кечирилмәси үчүн ганунлар вә јоллар гојан Ислам Дини илк нөвбәдә инсанын сағламлығына да өнәм верир... Һәтта халг тәбабәтимиз белә Ислам Дининдән гајнагланыр.
Бу ҝүнкү гыса арашдырмамызда чалышаҹағыг ки, Әзиз Ислам Пејғәмбәри Һәзрәти Муһәммәд ибн Әбдуллаһын (сәлләллаһу әлејһи вә алиһ вә абаиһ) вә Онун Пак Әһли Бејтинин (әлејһимус сәлам) сүннәсиндә сач төкүлмәсинин вә кәпәк салынмасынын гаршысын неҹә алмаг олар? Мәсәләсин ајдынлашдыраг.
Гејд едәк ки, һәр заманкындан фәргли бир төкүлмәнин гајнағы бәзи хәстәликләр ола биләр. Бунларын сырасында иммунитет системиндәки проблемлә ортаја чыхан хәстәликләр, тироид вәз хәстәликләри, дәмир әскиклији, стресс вә ҝенетик хәстәликләр, гадынларда һормонал позғунлуг, кифајәт гәдәр гидаланмамаг, узун мүддәт сахланан аз калорили пәһризләр дахилдир. Ашағыда гејд едәҹәјимиз һәдиси шәрифләр бүтүн бу чатышмамазлыгларын арадан галдырылмасы үчүн бир иксирди.
Анҹаг мүәјјән һиссәләрдә төкүлмә варса нә етмәлијик?
Мүасир тиббин нәзәриндә сач төкүлмәсинин сәбәби нә олур олсун гаршысы алына биләр, анҹаг итирилән сачы һәр заман ҝери гајтармаг мүмкүн дејил. Мәсәлән, бәдәндә дәмир чатышмазлығы вә гансызлыгдан гајнагланан сач төкүлмәсинин гаршысыны алмаг олар, анҹаг итирилән сачы ҝери гајтармаг мүмкүн дејил. Әҝәр сач төкүлмәси нормалдан даһа чох, хүсусән дә бәлли бир бөлҝәләрдә даһа чох јашанырса, һамамда, јастыгда төкүлән сачларын мигдарында артым варса вә бу һал 3 ајдан чох давам едирсә, һәр әлинизи атдығымызда 3-4 тел гопурса, мүтләг һәкимә ҝетмәк лазымдыр.
Лакин Ислам Тәбабәти исә, бу нәзәријјәни там сүрәтдә рәд едир. Вә инсанын дүзҝүн вә тәбии мәһсуллар илә гидаланмасы ҝүнаһдан узаг олмасы сајәсиндә бүтүн бунларын бәрпа едилмәсинә зәманәт верир.
Төкүлмүш сачлары јенидән неҹә бәрпа етмәк олар?
Аллаһын (Ҹәллә Ҹәлалуһ) Рәсулу (сәлләллаһу әлејһи вә алиһ) бујуруб: “Сачларыныза хына гојун. Чүнки, бу иш ҝөзүн ишыгландырымасы үчүн олдугҹа фајдалыдыр, (төкүлмүш) сачлары (јенидән) чыхардыр, бәдәни хошәтирли едир вә кишинин гадынына (руһи) тәскинлик верир.”
(Мәнбә: Әл-Кафи, ҹилд. 6, сәһ. 483, һәдис. 4.)
Имам Рза (әлејһи сәлам) бујуруб: “Инҹил, ағзын пис гохусун арадан апарыр, дишләри вә сүмүкләри мөһкәмләндирир вә (төкүлмүш) сачлары (јенидән) чыхардыр.”
(Мәнбә: Вәсаилу Шиә, ҹилд. 17)
Кәпәкин гаршысыны алмаг үчүн нә мәсләһәт ҝөрүлүр?
Имам Садиг (әлејһи сәлам) бујурур: “Ҝүлхәтми чичәкинин сују илә башы јумаг башағрылары сағалдар, фәгирлији (касыбчылығы) арадан галдырар вә башы кәпәк салмагдан тәмизләјәр.”
(Мәнбә: Сәвабул Ә`әмал, сәһ. 36, һәдис 1.)
Нә үчүн инсанын башында сач битир?
Имам Садиг (әлејһи сәлам) бујуруб: “Сач инсанын башында она ҝөрә битир ки, бејинә лазымы мигдарда јағ чатдырсын, һәмчинин түкүн дибиндән бејндәки бухар, истилик вә сојуглуғу чөлә чыхартсын.”
(Мәнбә: Иләлул Шәраи, ҹилд. 1, сәһ. 100-101.)
Фајдалы мәсләһәтләр. Һансы ишләри етмәлијик?
Сач дибләринин масажа еһтијаҹы вар. Һәр ҝүн 3 дәгигә сач дибләрини масаж един.
Јарым гәһвә финҹаны соја јағы, ики хөрәк гашығы бадам јағы, бир чај гашығы дәниз дузу, бир чај гашығы алма сиркәсини әридин. Гарышымы сач дибләринә сүртүб масаж един. Сонра стреч селлофанла сарыјыб ики саат сахлајын.
Сач дибләрини, сачлары бал вә јумурта сарысы илә масаж един. Башынызда јарым саат сахлајын.
2-3 һәфтә бојунҹа һәр јемәкдә бир стәкан суја бир чај гашығы алма сиркәси гарышдырыб ичин.
Сачларынызы гидаландырмаг үчүн алма сиркәси вә адачајыны гарышдырараг сачынызы бу гарышымла дурулајын.
Исти зејтун јағы, бал вә 1 чај гашығы тоз һалында дарчыны гарышдырараг һамама ҝирмәдән әввәл 15 дәгигә бојунҹа буну сачларынызда сахлајын.
Сачларынызын азалдығы гисимләри гызарана гәдәр соғанла овун, ардындан да бал сүртүн.
1 финҹан хардал јағыны 4 хөрәк гашығы хына јарпағы илә гајнадын. Сүздүкдән сонра галан сују бир шүшәјә долдурун вә сач дәринизә мүнтәзәм олараг бунунла масаж един.
Нәләрдән чәкинмәлијик?
Сачы јујаркән вә дарајаркән төкүлмәси нормалдыр. Анҹаг дурдуғунуз јердә һәр әлинизи атдығынызда сач төкүлүрсә, дедикләримизи един.
Јахшы јатын.
Гырмызы әт вә бол тахыл мәһсуллары јејин.
Сачларынызы кимјәви бојалар илә рәнҝләмәјин!
Сачлары чох фенләмәк сач дибинә зәрәр верир.
Сачы чох сых јығмаг да јанлышдыр.
Диггәт: Хәбәрдән истифадә етдикдә мәнбәјә истинад лазымдыр
