Әһли Бејт (әлејһимус сәлам) -АБНА- Хәбәр Аҝентлији- Һәзрәт Сүлејмандан (ә) һәваји-нәфсә галиб ҝәлмәклә бағлы чох инҹә бујуруш вар.
Һәзрәт Сүлејман (ә) бујурур: “Өз нәфси истәјинә галиб ҝәлмиш шәхс, тәкбашына бир шәһәри фәтһ етмишдән дә ҝүҹлүдүр”. Јәни, бир инсанын бүтөв бир шәһәри фәтһ етмәси, олдугҹа бөјүк һүнәр тәләб едир. Буну елә бир инсан дејир ки, бу гәдәр ҝүҹә вә гүдрәтә саһиб инсан олуб.
Һәзрәт (ә) бизи ҹидди мөвзуда хәбәрдар едир. Билдирир ки, инсанын өз дахилиндә фәтһ олунмалы, галиб ҝәлинмәли, мүбаризә апарылмалы бөјүк мәсәләләр вар. Әҝәр ону баҹарса, нәфсани истәкләрини үстәләјә билсә, өзүнүн дахилини фәтһ етсә - бу инсан бир шәһәри фәтһ етмишдән даһа ҝүҹлүдүр.
Әзиз Ислам Пејғәмбәри (с) бујурур: “Инсанларын ән шүҹаәтлиси – өз нәфси истәјинә галиб ҝәлән шәхсдир”. Ән шүҹаәтли шәхс о кәсдир ки, һәваји-нәфсинә галиб ҝәлмәјә ҝүҹү чатыр. Пејғәмбәримиз (с) јенә бујурур: “Пәһләван – ҹамаата галиб ҝәлән дејил, өз нәфсинә галиб ҝәлән кимсәдир”. Дахилимиздә бир саваш вар. Мөминләр о кәсләрдир ки, бу савашдан галиб чыхыр. Бу савашын мәнәви пәһләванларыдыр әслиндә мөминләр.
Аллаһым, бизи Мәһәррәм-Сәфәр әјјамында газананлардан гәрар вер!
Аллаһым, бизләрә бу әјјамда газандыгларымызы илбоју горујуб сахламағы нәсиб ет!
Аллаһым, бизләри һәваји-нәфсимизлә мүбаризәдә галиб ет!
Аллаһым, бизи нәфсимизин гулу олмаға гојма! Амин!
Һаҹы Илгар Ибраһимоғлу
Диггәт: Хәбәрдән истифадә етдикдә мәнбәјә истинад лазымдыр
