Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Мүдафиә Назирлији “Одундағ” јүксәклијинин ордумузун нәзарәтинә кечмәси хәбәрини тәсдигләјиб.
Мүдафиә Назирлијинин мәтбуат хидмәтиндән верилән мәлуматда гејд олунур ки, бәзи електрон күтләви информасија васитәләриндә Ермәнистандакы мәнбәләрә истинадән Азәрбајҹанын Газах рајону илә Ермәнистанын Нојемберјан јашајыш мәнтәгәси арасындакы әразидә јерләшән “Одундағ” јүксәклијинин Азәрбајҹан ордусунун нәзарәтинә кечмәси вә әтраф ермәни әразиләринин асанлыгла мүшаһидә едилмәси барәдә мәлумат јајылыб:
“Факты тәсдиг едәрәк билдиририк ки, һәгигәтән һәмин јүксәклик әлверишли вә әһәмијјәтли олдуғу үчүн бөлмәләримиз тәрәфиндән нәзарәтә ҝөтүрүлүб, тактики вә мүһәндис-истеһкам бахымындан ҝүҹләндирилиб”.
Хатырладаг ки, ермәни КИВ Азәрбајҹан силаһлы гүввәләри Одундағ дағынын сол әтәјиндә јер ишләри һәјата кечирмәси илә бағлы мәлумат јајыблар.
Мәлумата ҝөрә, бу дағын стратежи әһәмијјәти вар вә Азәрбајҹан әсҝәрләри онун тәпәсиндә атәш нөгтәси јерләшдирибләр.
Јени дајаг мәнтәгәси Баганис кәндинин мәркәзиндән ајдын ҝөрүнүр.
Диггәт: Хәбәрдән истифадә етдикдә мәнбәјә истинад лазымдыр
