Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 09 јанвар 2016 тарихдә, Мүгәддәс Гум шәһәринин әһалиси, сүбһ 09:00 радәләриндә, Дүнја Мүсәлманларынын Али Лидери, Ајәтуллаһ Сејјид Әли Хаменеи ҹәнаблары илә ҝөрүш кечирдибләр. Ҝөрүшүн әсас сәбәби, Гум әһалисинин Һиҹри шәмси тарихи илә 19 Деј 1356-ҹы илдә (милади тарихи илә 08 Јанвар 1977-ҹи ил), Рза Шаһ режиминә гаршы, гијам етмәләринин ил дөнүмүн гејд етмәк олуб.
Ганлы 19 Деј Гијамынын әсас сәбәбләри
Һиҹри Шәмси тарихи илә, Абан ајы 1356-ҹы илдә (1977-ҹи ил), Сејјид Мустафа Хомејни (Имам Хомејнин бөјүк оғлу) Рза Шаһын адамлары тәрәфиндән шәһадәтә јетирилир. Бунун ардыјҹа Иран халгы, бүтүн Иран боју матәм мәҹлисләри кечирдир вә режим әлејһинә шуарлар сәсләндирирләр. Шаһ режими Имам Хомејнини ләкәләмәкдән өтрү 1356- ҹы илин Деј ајында (1977-нин Декабр вә 1978 Јанвар ајларында) “Иттилаат гәзети”ндә Һиҹабы, Ислами мүгәддәсләри вә һабелә Имам Хомејни ҹәнабларыны тәһгиредҹи ифадәләрлә ашылајыр. Буна етираз олараг 18 Деј-дә (1978-ҹи ил 8-9 Јанварда) Гум руһаниләри вә дини тәләбәләр топлашараг ,Тәглид Мәрҹәләринин евләринә јүрүш едир вә тәшкил олунан мәҹлисләрдә, режимә гаршы кәскин ифадәләр ишләдирләр. Сабаһысы ҝүн, Гумун таҹирләри, дүкан вә мағазаларыны бағлајараг тәтил елан едир вә Руһаниләрлә һәмрәј олдугларыны билдирирләр. Мөвҹуд Шаһ режимин, Теһрандан ҝөндәрдији силаһлы гүввәләри Халг Үсјанын јатыздырмагдан өтрү, инсанлара силаһдан атәш ачараг, хејли мигдарда ҝүнаһсыз вәтәндашлары шәһадәтә јетирирләр. Бу ганлы һадисәдән сонра Тәбриздә халг ајаға галхараг, Гум Әһалиси илә һәмдәрд вә һәмрәј олдугларыны билдирирләр. Әли гана батмыш Шаһ режими нөвбәти ҹинајәтини Тәбриздә һәјата кечирдир. Бу һадисәдән үч ил сонра исә Шаһ Ирандан гачыр вә бир нечә ҝүндән сонра Имам Хомејни һәзрәтләри Ирана гајыдараг әһалинин истәји илә референдом кечирдәрәк 98% сәс чохлуғу илә Иранда Вилајәти Фәгиһ башда олмагла Ислам Республикасы тәшкил едилир.
Диггәт: Хәбәрдән истифадә етдикдә мәнбәјә истинад лазымдыр
