Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Јәмән Һәрби Гүввәләри вә Көнүллү Халг Дәстәләринин бирҝә кечиртдији әмәлијатда Сәудијјә режиминин Јәмәнин Һиҹҹә рајонуна тәҹавүз етмиш Апачи һәрби һелекоптерини вурараг јерә салыблар.
Әл Мәсирә каналынын вердији мәлуматда исә билдирилиб ки, Сәудијјә режими һәмчинин Јәмәнин Әрһәб рајонунун Нәһәм мәнтәгәсиндәки әл Сәм һәрби базасыны 3 дәфә вә 63 нөмрәли һәрби базаны исә, 13 дәфә ҝүн әрзиндә бомбалајыблар.
Әл Мәсирәнин вердији мәлуматда һәмчинин билдирилиб ки, Јәмән Халг Гүввәләри Тәббәтүл Бүлбүлә сәрһәд зонасындан Јәмән әразиләринә кечмәјә чалышан Сәудијјә режиминин хејли сајда муздлу әскәрләрини дармадағын едибләр. Дүшмән гүввәләри ҝери чәкилмәк мәҹбуријјәтиндә галыб.
Диггәт: Хәбәрдән истифадә етдикдә мәнбәјә истинад лазымдыр
