Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Теһранын сәккиз университетинин Бәсиҹ тәләбәләри Ниҝерија вә Азәрбајҹанда Шиәләрин һаким режимләр тәрәфиндән гәтлиам едилмәсини мәһкум едәрәк бәјанат верибләр.
Бәјанатда дејилир:
Бисмиллаһир-рәһманир-рәһим
Инна лиллаһи вә инна иләјһи раҹиун
Сон ики һәфтәдә баш верән һадисәләр, Рәсулуллаһын (сәлләллаһу әләјһи вә алиһ) өвладларындан бир групунун вәһшиликлә өлдүрүлмәси, һәбсә алынмасы вә ишҝәнҹә олунмасы һәр бир азад инсанын үрәјини ағрыдыр. Мәзлумлар, бөјүк рәһбәр вә имам һәзрәт Ајәтуллаһ әл-үзма Хомејнинин (рһ) мәнәви нәфәси вә рәһбәрлији илә ојаныш јолунун нидасыны ешитди, империализм вә истисмардан јорулмуш ҹанларына тәравәт ҝәлди. Беләликлә, имам Хомејни (рһ) ады дүнјада сәс-сәда јаратды. Дүнјаја ағалыг нијјәтиндә олан Американын гамчысыны дадмыш ашигләр бу ҝүнләри өзләринә Хомејничи вә Хомејничилик адыны ҝөтүрмүш вә беләҹә мүҹаһидлик сырасында дајаныблар.
Јохсуллар, мәзлумлар вә ајагјалынларла ган әһди бағлајан Ислам ҹамиәсинин дәрдини баша дүшәнләр диггәт етмәлидирләр ки, онлар мүбаризә јолунун башланғыҹындадыр. Империализм вә истисмар диварларыны дағытмаг, Муһәммәдин (с) ҝәтирдији халис Ислам дининә чатмаг үчүн гаршыда узун јол вардыр. Сөзсүз, Зарија, Нардаран вә Парачинарын мәзлум әһалисинин гәтлиам едилмәси бу јолда сүкут вә ҝеричәкилмәјә сәбәб олмајаҹаг, үстәлик, онларын дамла-дамла ганларындан һиддәт вә ојаныш чешмәси гајнајаҹаг вә дүнја мәзлумларынын ингилаб океанына чатна гәдәр ахаҹаг.
Шејх Зәкзәки вә Һаҹы Тале кимиләрин тәгсири дүнја шејтанларынын мүбариз вә азадлыгсевәрләрә гаршы һәмин гәдим иттиһамларыдыр. Биз Ашура өвладларыны әсирлик вә шәһидликлә горхуда билмәзсиниз. Чүнки биз чохдандыр ки, јолумузу Америкасајағы ислам иддиачыларынын јолундан ајырмышыг вә садә дүшүнҹәли алгышсевән адамларын тәнә вә кинајәсинә дөзүрүк.
Бу ҹинајәт азадлыгсевәрләрин вә мүсәлманларын үрәјини гана дөндәрди, амма Ислам үммәти арасында Хомејни өвладларынын танынмасына сәбәб олду, дүнјанын һәр јериндә халис Мәһәммәд (с) Исламынын чичәкләнмәсини вә Ислам Ингилабынын сәмәрә вермәсини мүждә верди.
"Онлар һијләјә әл атдылар. Аллаһ да онларын һијләсинә әвәз верди. Аллаһ һијләҝәрләрдән даһа тәдбирлидир".
Сон ҝүнләр Ниҹерија вә Азәрбајҹанда баш верән һадисәләр, һәтта гәрбин гејри-дүзҝүн принсипләри илә дә инсан һүгугларынын позулмасы сајылыр. Бу арада инсан һүгуглары иддиачыларынын батаглыг сүкутлары тутмалары чох тәәҹҹүблүдүр. 500 нәфәр мәзлум ниҹеријалынын БМТ тимсаһларынын јаланчы ҝөз јашларына да дәјмирми?
Даһа ағрылы дәрд Ислам үммәтинин бу һадисәләрә етинасизлығыдыр. Али-сүгутун чүрүмүш кәндири Ислам өлкәләри башчыларыны алчаглыг гујусунун дибинә елә чәкмишдир ки, артыг өз ҹаныны бәсләјән зәлисифәтләрин сәси чыхмыр. Чүнки онлар өзләри дә өз халгларына гаршы дәфәләрлә охшар ҹинајәтләр едибләр. Сөзү ҝедән һадисәләр халис Америкасајағы исламын ҹанишин өвладларынын бу өлкәләрдә шиәләрлә өз әһли-сүннәләринин бир јердә гардашҹасына јашамасыны ҝөрмәјә тагәтләри олмамасынын нәтиҹәсидир.
Һеч кимә ҝизлин дејил ки, Илһам Әлијевин Азәрбајҹанда Хомејничиләрин өлдүрүлмәси вә зиндана салынмасы вәһшилији Американын вә онун реҝионда әлалтысы олан Түркијәнин јашыл ишығы илә баш вермишдир. Һамыја мәлумдур ки, Заријада вәһшиҹәсинә гәтлиам Тәл-Әвивдә тәлим ҝөрмүш забитләрин әли илә баш вермишдир.
Лакин бизим үчүн даһа ағрылы олан өлкәмизин дипломатик апаратларынын адиләшмиш пассивлијидир. Нардаран һадисәләри там сүкутла өтдү вә ән аз мөвге тутмагла кифајәтләндиләр. Бөјүк һадисә, јәни бир ҝүндә 500 нәфәрин гәтлиам едилмәси, Ҹәнаб Президентин јаныда Парисдә өлдүрүләнләрин дәјәринндән аз идими ки, ики ҝүн һәтта нараһатлыг һисси кечирмәсини дә билдирмәди?
Биз ингилабчы тәләбәләр бу ҝүнләрдә баш вермиш аҹы һадисәләри мәһкум едир вә үмид едирик ки:
1. Дипломатик апаратлар шәһид оланларын аиләләринин вә јахынларынын ҹанларынын горунмасы үчүн бүтүн сәјини ҝөстәрсин, бејнәлхалг мүзакирәләр јолу илә тезликлә Ниҹеријада Ајәтуллаһ Зәкзәкинин, Азәрбајҹанда шәриәт мәһбусларынын вәзијјәти һаггында мәлумат әлдә етмәк үчүн ҹидди аддымлар атсын.
2. Ислами Шура Мәҹлиси, хүсусилә дә Милли Тәһлүкәсизлик вә Хариҹи Сијасәт Комиссијасы гејд олунан аҹы һадисәләр барәдә фактарашдырыҹы комитә јарадараг зоракылыға дәрһал сон гојулмасы үчүн бејнәлхалг тәзјигләри ишә салсын.
3. Телевија вә Радио Ширкәти пассивлији кәнара гојсун, өз ингилаби вәзифәсинә әмәл едәрәк Ниҹерија вә Азәрбајҹан мәзлумларыны дәстәкләсин, һасисәләр барәдә реаллығы ҝөстәрсин, халгы мәлуматландырсын вә медиа силаһындан истифадә етмәклә мәзлумларын медиа ҹәбһәсинин ҝүҹләнмәси истигамәтиндә даһа чох һәрәкәт етсин.
4. Инсан һүгуглары тәшкилатлары, хүсусиләдә Инсан Һаглары Изләмә Тәшкилаты гәрәзли вә гејри-објектив мөвге тутмасыны гыраға гојсун вә бир дәфә дә олмуш олса ҝүнаһсыз инсанларын һүгугларыны мүдафиә етсин. Һәрчәнд, чохдандыр ки, онлара һеч бир үмидимиз јохдур.
5. Ислам өлкәләринин башчылары, әсасәндә Ислам Әмәкдашлыг Конфрансы, терроризми дәстәкләјән дөвләт башчылары илә, јәни Али-Сәудла террорчу коалисија тәшкил етмәк әвәзинә Ниҹерија вә Азәрбајҹанын мәзлум мүсәлманларынын фәрјадына јетишсинләр. Ҝөзләнтимиз будур ки, зәрури иҹлас чағырмагла тезликлә Ниҹерија ордусунун вәһшиликләринин гаршысыны алсынлар.
6. Бүтүн азадлыгсевәрләр, сионизм вә дүнја империализмнә гаршы мүбаризә апаранлар топлантылар кечирмәклә вә бир-бирләри илә әмәкдашлыг етмәклә Ниҹерија вә Азәрбајҹан фәаларынын тезликлә азад олунмасы јолунда ишә башласынлар вә мәзлум групларын тәмәлләрини ҝүҹләндирмәклә бөјүк шејтанын һимајә етдији терроризмә сон гојсунлар.
Салам олсун бизим шәһидләримизә вә һагг јолунун бүтүн мүҹаһидләринә!
وَنُرِيدُ أَنْ نَمُنَّ عَلَى الَّذِينَ اسْتُضْعِفُوا فِي الْأَرْضِ وَنَجْعَلَهُمْ أَئِمَّةً وَنَجْعَلَهُمُ الْوَارِثِينَ
"Биз исә истәјирдик ки, о јердә зәиф дүшүб әзиләнләрә мәрһәмәт ҝөстәрәк, онлары өндә ҝедәнләр вә варисләр едәк".
Имам Садиг (ә) Университетинин Тәләбә Бәсиҹлији
Шәриф Университетинин Тәләбә Бәсиҹлији
Теһран Университетинин Тәләбә Бәсиҹлији
Әмир Кәбир Университетинин Тәләбә Бәсиҹлији
Елм вә Сәнәт Университетинин Тәләбә Бәсиҹлији
Хаҹә Нәсир Университетинин Тәләбә Бәсиҹлији
Әлламә Тәбатәбаи Университетинин Тәләбә Бәсиҹлији
Шәһид Беһишти Университетинин Тәләбә Бәсиҹлији
Диггәт: Хәбәрдән истифадә етдикдә мәнбәјә истинад лазымдыр
